كلمات اغنية قصيدة الجوكر 2019 مكتوبة
-
Apple
2019-11-30 -
كلمات اغنية قصيدة الجوكر 2019 مكتوبة
El Joker - Qasida l الجوكر - قصيدة
Qasida
Lyrics: El Joker
Music & Master & Mix: Dj Totti
Video by: Mostafa Karim
© 2019 El Joker
الـكـلـمـات
سفينتي متبنيتش عشان جماهير عريضة
لو شىء بغنوة إتهد يتبني بقصيدة
لا اختارت جاري ، ولا قُطر فتحة غاري
مصمم ع اللي اختارته ، ومش حزين مع اختياري
لا شىء لا يمكن استبداله .. عالج التعلق
ناس كتير ع القمة لا تفقه التسلق
أغلى من حاجات ، وكافرة بالتدرج
تيجان ملوك دابت نتيجة التملق
غير العامة .. بنطارد الفراشات بشغف
ع المشانق أطفال إذا فرعون ارتجف
جيوشنا لفت من غير ما تضرب سهم
من قصاد حصون ورق كانت مدهونة وهم
أرواح فرادى اتطفت لما قلدت الإجواز
بوظت اللوحة لما حاوطتها ببرواز
تجار إصلاح لكن من يوم ما فهموا الناس
تاجروا في الغضب والطوب .. وسط بيوت إزاز
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني
فينا حته أغمق من أغمق مكان في الكون
أقدم حتة غسيل لسه بتطفح لون
في ناس مكان ما تشوط ينصبولها جون
احنا اللي حاربنا ده في عز ما كننا دول
بغير الأسامي وأحكي نفس القصة
كل شىء بيغلى ، وانتي رخيصة لسه
بغطس في الوجع بدون أنفاس حابسها
ريحتك في كل حاجه كنت بتنفسها
تعالي قبل النوم وانا احكيلك حكاية
عالم سلبي طول ما الأكسجين محايد
في فرق بين كويسين وبين بطلنا
الناس مبيبانوش بجد غير في الضلمة
كان بيننا خيوط لكن مش باقي غير أرفعهم
بينطوا من عماير والهوا بيرفعهم
قالتلي مبتعرفش تحب ليه ترتبط؟
انا بحب انا .. حتى لو اتشقلبت
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني
مش عارف .. انا الحقيقي ولا غش
بقطع وش ألاقي تحته وش
أشك في اللي بنى ، وأشك في اللي اتبنى
أصعب اكتشاف في العالم اكتشاف ال انا
عصاه تبلع عصيانهم ؛ فبيصبح مكروه
يقولوا عليه من ضهره ، ويخافوا يناظروه
لا دينه دينهم ، ولا عايز رضا التمثال
يبص على معبدهم يضحك من عدد الإقفال
ده بسبب كشافات الليل بقى النهار مليل
مادام بياخدوا اكتر منك .. الكتير قليل
في ركن في الفضاء ، وجنبك اكسجين متسيل
لا حمل إنك تشيل ، ولا إنك تشيل
إسأل فحم المكن عن معنى رأسمالي
بفضل اخواتنا في فلسطين بقى للطوب معاني
لو مش عارف ابن آدم كنت لومتك
جرب تكونني ساعة .. تنفجر جمجمتك
غبي لدرجة ان الرد اللي انت قولته
بكتب قصايد ، وده شرف عمرك ما نولته
الجامد الروش ده أعلى لقب طولته
فيلمكوا رخيص ، وانا انسحبت من بطولته
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني
تردد قناة Image Makers على النايل سات اليوم 19-5-2020
موعد وتوقيت عرض مسلسل مافيي الجزء الثاني 2020 على قناة mbc4
احداث وتفاصيل الحلقة 28 مسلسل حضن الشوك رمضان 2019
من هي سارة عبدالوهاب العوضي
فيلم عسل أسود على قناة mbc1 أول ايام عيد الفطر 2020
كلمات شيلة اتغني فيك منصور الوايلي وغريب ال مخلص كاملة مكتوبة
من هو خالد كاجيجي
احداث وتفاصيل الحلقة 33 مسلسل شقة فيصل رمضان 2019
Powered by vBulletin® Copyright ©2000 - 2024, Jelsoft Enterprises Ltd.
