طال الرجا فالقرب واليوم عفناه
والصبر عندي واصل اليوم حده
'من زود ماحبه صبرنا وكرهناه
بالامس في صفه وانا الحين ضده
ارخصت عمري وقلت هالعمر يفداه
بسحب كلامي لان ماصان وعده
ودي انا امسح من الفكر كل ذكراه
مابيه يتقرب وابي يدوم صده
خلوه يتوكل نسا من هو سواه
وأمردنا ننسا ولو بعد مده
بتعلمه الايام درسن مينساه
دامه نسا يذكر مكانه وقده
ماينحي لبايع نسا من هو رباه
كانه يبي يغلط ياويله وحده
بيده فتح لي باب بعده وفرقاه
مشكلته لوهو الحين عايش لوحده