لا تحسب اني نسيتك حبك بقلبي اصيل
غالي ولا بي غيرك يا غايتي يا مناي
ياحلم عمري وشوقي يا شف قلبي العليل
بين الحنايا مكانك يا انفاس روحي وهواي
ودي احطك في عيوني حتى عيونك تخيل
وتناظر اللي خافيته في اقاصي خفاي
مالك خشير من الهوى وحدك سكني يا خليل
يا راحتي يا سلوتي لا صار بالدنيا شقاي
صعبة بدونك حياتي وحمل قلبي ثقيل
لا من فقدتك دقيقة يزيد فيني قساي
محبتك مكتوب لها ما بيننا عمر طويل
يا اول افراحي حبيبي وانت يا اخر مداي