قصائد مكتوبة عن بر وحب الوالدين 2014 , كلمات عن طاعة الاب والام 2015
-
بنت البلد
2014-05-09 -
اشعار عن بر الوالدين,قصائد عن بر الاب والام ,اشعار حزينة عن بر الوالدين,شعر عن طاعة الاب والام,قصائد عن الام والاب وطاعتهم
[ الشاعر / محمد السليس ]
ابوي مات ولا بقى غير العجـوز
أنا على طـول العمـر خدامهـا
هي رمزي اليا طاحت بعيني رموز
يالله عسى موتي يجـي قدامهـا
واروح من دنياي للجنـة وافـوز
اللي خلقهـا الله تحـت اقدامهـا
[ الشاعر / فيصل العتيبي ]
اخطب الجنّة ومهر العقد بـرّ الوالديـن
ربنا وصّى النفوس اللـي تخاف..تبرّهـا
ماقرن رب العباد بطاعته في الدين ديـن
غير طاعـة والدينك..لاتحـاول ضرهـا
برّهُم من صغر سنك لين شيب العارضين
برّهُم بين الحلاوة فـي الحيـاة ومرّهـا
دام قال الشرع تحت اقدام بـر الوالديـن
جنـة الخلد..انتبـه ولا تقصّـر برّهـا
[ الشاعر / علي عبد الرحمن الأسمري ]
للوالدين اجمل عبيـر القصايـد
من شخص جرب فقد ابوه وغيابه
احقوقهـم ماظـن فيهـا مزايـد
احرص عليها واوفو حق القرابه
جنة عدن ياللـي تبـي للفوايـد
في برهم والموت ياخـذ نصابـه
[ الشاعر / سعيد العمودي ]
أبوي وأمي.. بس في أربع أبيات؟!
لاياجواهر صعب مااقـدر أوفّـي
هيهات لو حاولت هيهات هيهـات
أشعار هذا الكون مااظـن تكفّـي
[ الشاعر / فايز ماجد ]
و الله لـولا خوفـي اشـرك مــع الله
لسجـد انـا لـك يـا عزيـز المقامـي
اجلس هنا في داخـل الصـدر و حمـاه
و ارتك علـى قلـبً حمتـه العظامـي
ان كان به شخصً هدى لشخص و اعطاه
يبغـى يعبـر مـا قصـر بالكـلامـي
انـا تـرا بهديـك عمـري و لا ابغـاه
بعدك عسـى عمـري مجـرد حطامـي
[ الشاعر / زايد الروقي ]
أمي وأبوي إلهم بقلبـي مكااانـه
مكانت(ن) ماحازها شخص بااااقي
[ الشاعر / خالد عبد الكريم ]
ياللي نسيت مع الزمان اللي ربوك
الحق قبل سـود الليـال تلفهـم
ياكبرها نعمه تشوف امك وابـوك
وياكبرها نعمه تعيـش بضفهـم
ياما تحرّوا جيّتـك كـم ارقبـوك
ياما تمنـوا لـك تحقـق شفهـم
[ الشاعر / نياف العتيبي ]
الوالدين الهم مواثيق وحقوق
وحنا علينا انّانقوم بوفاهـم
وقارهم من ربنا حق موثوق
يالله عسنا كاسبينن رضاهم
[ الشاعر / هاني محمد السلوم ]
والله مانلحق جـزاء الوالديـن
لو كان نشعر من طرفهم بالرضا
قاموا علينا زي منتـم شايفيـن
ويضيق فيهم لو تضايقنا الفضـا
في برهم واكرامهم يالله تعيـن
ونبرهم فالمقبل وفاللـي مضـا
ويالله يالله يامجيـب السائليـن
طالبك على وجيههم حرم لضـا
[ الشاعر / سعد الغنامي ]
حقوق الوالدين ومرتضاهـم
طريق الخير فيه وبه عبـاده
بقلبي ما حدِِ ياصـل غلاهـم
أعيش بقربهم كـل السعـاده
هدف عندي أحقق مبتغاهـم
وبعد تحقيقه أبحـث للزيـاده
أصير لهم عصاهم ما عصاهم
فرض ماني بـأدور للإشـاده
[ الشاعر / مهدي بن مسفر بن عليان ]
ابوي وامي حبهم ماله اقياس
لو اكتب الاشعار ليل ونهاري
بوستات ومنشورات عن اليوم الوطني الـ85 في السعودية 2015
صور مواصفات سعر هوندا سى ار فى honda crv 2015
صور خلفيات منتخب البرتغال كأس العالم 2014 , صور رمزيات منتخب البرتغال 2014
كلمات اغنية تعبان مكادي نحاس 2015 كاملة مكتوبة
أبرز توقعات الفلكي ميشال حايك للأردن في سنة 2015
صور لوحات فنية ورسومات بتقنية 3d مرسومة على الأرصفة والشوارع 2014
السبب الحقيقي وراء الغاء حلقة برنامج البرنامج الجمعة المقبلة 30 مايو
بالصور ملخص برنامج Arabs Got Talent اليوم السبت 14-2-2015
- « بوستات واتس اب عن بر الوالدين 2014 , حالات واتس اب عن بر الوالدين 2015 | صور مكتوب عليها الف مبروك الزواج للواتس اب 2015 , صور واتس اب للتهنئة بالزواج 2015 »
Powered by vBulletin® Copyright ©2000 - 2024, Jelsoft Enterprises Ltd.
