اجمل صور لافكار هدايا عيد الحب 2015

اجمل صور لافكار هدايا عيد الحب 2015

لكل البنات سواء كنتي مرتبطة او متجوزة او حتى لسه مش بتحبي حد ممكن تحتفلي بـ عيد الحب مع عيلتك او اصحابك او اي حد بتحبيه وخاصة ان كل الاماكن العامة زي المولات وخلافه بتكون مجهزة ليوم عيد الحب بشكل تاني غير اي يوم ولو نفسك تعبري بالحب لاي حد في عيد الحب يكفي تبعتي رسالة او تجيبي هدية لاصحابك او عيلتك لو مكنتيش مرتبطة.
اما لو لشخص ما فعبري عن حبك لخطيبك او حبيبك او جوزك او قولي انك بتحبي للي معاكي في عيد الحب بطريقة مختلفة وده اللي هانساعدك فيه اول فكرة انك تجيبي تورتة مخصوصة لعيد الحب وهتلاقي اشكال كتير في كل المحلات مكتوبة عليها happy valentine او بحبك او ممكن تعملي حركة شيك وتعملي تورتة مخصوص وعليها صورة الشخص اللي ناوية تحتفلي معاه بيوم عيد الحب.
تاني حاجة من افكار عيد الحب لو كان اللي بتحبيه غاوي فرجة على التليفزيون ومبلط جنبه شوفي القناة اللي بيتابعها او وانتي قاعدة معاه وابعتيله اهداء اس ام اس يمكن ينبسط لما يشوف اسمه قدام العالم كله واهداء خاص ليه بـ عيد الحب .
من افكار هدايا عيد الحب او احلى حاجة تقدمي ورد وبلالين في سلة وفي اشكال مخصوصة لـ عيد الحب بتكون موجودة في يوم عيد الحب او قبلها بيومين الحقي يعني اختاري الاحلى قبل نفاذ الكمية .
اشتري له أي حاجة هو محتاجها، وكان مكسل إنه يشتريها زي شرابات أو شامبو أو كريم مثلاً، وحطيهم في علبة شيك واربطي العلبة بـ”فيونكة حمراء”، واكتبي على العلبة “علشان كنت عارفة انك مكسل أو هتنسى قلت أفكرك.. بحبك .
كمان من افكار عيد الحب اعملي بطاقة خاصة بنفسك وحطي فيها صورة ليكم مع بعض او صورة لكل واحد فيكم لما كنتم صغيرين .
سجلي رسالة على بريده الصوتي، أو ممكن تبعتي له رسالة على الموبايل تعبّري له فيها عن حبك ليه.
ولو متجوزين يوم عيد الحب اكتبي لجوزك كلمات حب في ورق أحمر كثير وارميه في كل أنحاء البيت بس في أماكن ظاهرة علشان يعرف يلاقيه ويقرؤه.
هدايا عيد الحب الفلانتين بالصور – افكار لاعداد هدية عيد الحب