كلمات قصيدة يعيش أهل بلدى الشاعر أحمد فؤاد 2013
-
Dreambox-Sat
2012-12-19
-
كلمات قصيدة يعيش أهل بلدى الشاعر أحمد فؤاد 2013
كلمات قصيدة يعيش أهل بلدى الشاعر أحمد فؤاد 2013
كلمات قصيدة يعيش أهل بلدى الشاعر أحمد فؤاد 2013
التحالف يعيش أهل بلدي
أحمد فؤاد نجم
يعيش أهل بلدي
وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صحبه
ونهتف .. يعيش
يعيش أهل بلدي
يعيش المثقف على مقهى ريش
يعيش يعيش يعيش
محفلط مزفلط كتير كلام
عديم الممارسه
عدو الزحام
بكام كلمة فاضيه
وكام اصطلاح
يفبرك حلول المشاكل قوام
يعيش المثقف
يعيش يعيش يعيش
يعيش أهل بلدي
يعيش التنابله
فى حي الزمالك
وحى الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك إذا عزت توصف حياتهم
تقول الحياة عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه
قفاهم عجينه
كروشهم سمينه
جلودهم بتضوي
دماغهم تخينه
سنانهم مبادر تفوت فى الجليد
ما فيش سخن بارد
بياكلوا الحديد
ما دام نهر وارد
وجاي م الصعيد
تزيد الموارد
كروشهم تزيد
وتسمع وتسلم
بأن التنابله
أو الأكالين
حيسمح كبيرهم
ويعمل مقابله
مع الفلاحين
ويحصل تحالف
ما بين الجميع
ونملا المصارف
بدم القطيع
أطيع الخليفه
أطيع والديك
أطيع التنابله
دا مفروض عليك
وتزرع وتبعت لحي الزمالك
وحي الزمالك
مسالك مسالك
تحاول تفكر تهوب هنالك
تودر حياتك بلاش المهالك
لذلك
إذا حد جاب لك سيرتهم
تبسمل تكبر
وتهتف كذلك
يعيش التنابله
يعيش يعيش يعيش
يعيش أهل بلدي
يعيش الغلابه
فى طي النجوع
نهارهم سحابه
وليلهم دموع
سواعد هزيله
لكن فيها حيله
تبدر تخضر جفاف الربوع
مكن شغل كايرو
ما يتعبش دايره
لا ياكل
ولا حتى يقدر يجوع
يا غلبان بلدنا
يا فلاح يا صانع
يا شحم السواقي
يا فحم المصانع
يا منتج
يا مبهج
يا آخر حلاوه
يا هادي
يا راضي
يا عاقل
يا قانع
ما تتعبش عقلك
فى شغل السياسه
وشوف انت شغلك
بهمه وحماسه
وعود عيالك فضيله الرضا
لأن إحنا طبعا
عبيد القضا
ورزقك ورزقي ورزق الكلاب
دا موضوع مؤجل ليوم الحساب
كمان الصحافه
حتكتب فى حالتك
وتنشر مناظر لخالك وخالتك
وتتطلع يا مسعد عليك الغناوي
وتسمع باسمك
فى قلب القهاوي
تحبك مشيره وبنات الجزيره
وقصه غرامك
تشيع فى الرداوي
يعيش عم مسعد
يعيش يعيش يعيش
يعيش أهل بلدي
تعرف على فريد غنام فريق شيرين عبد الوهاب
كلمات اغنية هدية رأفت كاملة مكتوبة
صور النجمة جنيفر لوبيز في استوديوهات cbs
صورة شجون الهاجري وهي ترضع الخاروف تثير السخرية
صور توني كروس لاعب ريال مدريد 2015 Toni Kroos ، صور تقديم توني كروس لجماهير ريال مدريد 2015
توقيت مباراة تشيلسى وارسنال - اليوم السبت 23-3-2014 مع القنوات الناقلة
سعر العملات في مصر مقابل الجنيه المصري اليوم الاحد 16-2-2014
بوسترات جديدة لـ"Skyfall"
Powered by vBulletin® Copyright ©2000 - 2024, Jelsoft Enterprises Ltd.
LinkBack URL
About LinkBacks