سيدي الرئيس..
هاديك ورقة وأديك قلم.. إكتبلي إيه الإنجازات..
إكتبلي إيه ذنب اللي مات..
إكتبلي وصفه، عشان ماموتش من الحسرة.. من كتر السُكات..
أصل السُكات أصبح خرس..
إحكيلي ليه كتروا الحرس..
ليه الولاد ماتوا على القضيب.. في المدرسة سِكت الجرس..
سيدي الرئيس..
مع الألم، رزمة ورقة..
إحسب لي كام قلب إتحرق،
على إبن راح من غير وداع.. على حلم عمره اللي إتسرق..
تقدر تقولي حضرتك سوِّدت ليه شاشة دريم..
لو ده النظام.. تقدر تقولي فرقت إيه عن القديم؟"