احبك موت و أظل للموت
لاتصدك شي يفاركنه
غرامك لا ولا أنساه
اموت أني ويظل حبنه
حبيبك إبقة اني، والك حصري حناني
يصير الكبر مكاني، اذا گلبك نساني
احظنك حيل، وابوسك حيل
اريد اشبع من عندك بوس
بس انت وبس، حبيبي وبس
وعلى كلشي وراك أدوس
وعلى الفاركنة شدعي، عساه بهمومي ودمعي
فراكك يطفي شمعي، حبيبي يكسر ضلعي
يانور العين، اروح الوين
حبيبي من عليه تغيب
أظل مهموم واعوف النوم
و اودي بالقهر و اجيب
لأجلك بروحي أضحي، بالدنيا حبك ربحي
مكسور بعدك جنحي، مايرضه يشفه جرحي
عطر بالروح، أبد مايروح
احبك لو عذابي تصير
لو ابچي دموع وأظل موجوع
دمعتي وياك طعمها غير
غيرك بچه وتوسل خليته بالحب ينذل
صدكني للموت أوصل لمن عليه تزعل