"ماما! هو انتي وبابا اتعرفتوا على بعض ازاي؟"
حكايتنا بدأت زمان، بالصدفة مكناش عارفين
قابلنا بعض في مكان، في الأصل مكناش رايحين
ضيعنا طريقنا وتايهين
سألته من سكات، ازاي اروح هناك؟
فقاللي ده نفس المكان اللي أنا رايحه كمان
مشيت معايا وطلعت مش فاكرة لما كنا صغيرين
كنت بستناها تحت بيتها بوردتين
فجأة سألتني قابلتك فين، قلت استني هقولك بعدين
حكايات كتير في حياتنا بتبتدي، مش بنصدقها زي زمان
ونقول دي قصص خيالية و بتحصل في الأفلام
لما بنسمع حد بيحكي بنقوله أكيد ده جنان
بنشوف حكايات حوالينا مبنصدقش
وساعة ما بتحصل لينا مبنفهمش
مهما الدنيا تغيّرنا في حاجات مبتتغيرش
دايماً ليه نفترض الأسوأ؟ وكتير ليه مبنسمعش؟
حسيت اني اتسرعت من ساعت مابقينا لبعض
طب ليه اتعلقت بيه؟ مش عارفة ازاي وليه
باينّي اتخدعت فيه
صحابي شافوه ف مكان مع واحدة ميعرفوهاش
و لما سابها وقام، يا خسارة ملحقوهاش
فكلمتني حسيت نبرة صوتها متغيرة مش عارف ليه
شكلها عرفت حاجة فسألتها "مالك فيه ايه؟"
قامت سألتني دي تطلع مين؟
قلت استني هقولك بعدين
حكايات كتير في حياتنا بتبتدي، مش بنصدقها زي زمان
ونقول دي قصص خيالية و بتحصل في الأفلام
لما بنسمع حد بيحكي بنقوله أكيد ده جنان
بنشوف حكايات حوالينا مبنصدقش
وساعة ما بتحصل لينا مبنفهمش
مهما الدنيا تغيّرنا في حاجات مبتتغيرش
دايماً ليه نفترض الأسوأ؟ وكتير ليه مبنسمعش؟
ازاي مبنتغيرش؟ وكتير ليه مبنسمعش؟
على طول ليه مبنصدقش؟
قررت اسيبه وأمشي بعيد
ولا يجي على بالي و افكر فيه
و حياتي أبدأها من جديد
بكره منعرفش هيحصل ايه
وبسرعة دخلت البيت زعلانة بكيت
جنب التليفون قاعدة استنيت
يمكن يتصل الأول، رن التليفون رديت
قاللي كده تسبيني وتمشي؟ أنا واقف تحت البيت
ومن الشباك رحت وبصيت
فلقيت أهله وأصحابه قمت اتخضيت
قال عاوز يتجوزني ومستني تحت البيت
أما البنت دي طلعت كدبة من أصحابي وانا اتخميت
فاجئوني وانا ولا شكيت! ازاي انا ولا حسيت؟
كان واقف تحت البيت، فنزلت معاه ومشيت