محسبتهاش بطريقة صح وكان اصح
اسمع كلام اتقال لكام واحد نصح
انساه من الاول عشان ملهوش امان
وطلع معاهم حق ماهو ده اللي اتضح
سلمت ليه احساسي بس ادني درس
وكسرني دفعني تمن اني بحس
ندمني ع الوقت اللي ضيعته زمان
على حد مفهمتوش في يوم بطريقة صح
بطيب خاطر و نية سليمة صدقته
وفي الاخر عرفت انا ابقى ايه عنده
ماليش خاطر بسد فراغي انا في وقته
وده الظاهر وقلبي مجابش من عنده
كان كل يوم بيفوت بعيش في جرح شكل
استنى ليه هو اللي شفته في حبه سهل
هحفظ كرامتي قبل ما يفوت الاوان
هبعد وحل فراقنا بالنسبالي سهل
اخر كلامي عنه هو حب مات
وانا مش هعيش الجاي على حس اللي فات
ومن انهاردة مالوش في بكرة خلاص مكان
كده هقا بكسب نفسي في جميع الحالات