ماشي الحال، ساعة الحزن لازم تتقال
ماشي الحال، أسهل رد لأي سؤال
بنقولها وجوانا بيبكي علشان منخشش في جدال
علشان منفتّحش جراحنا، والحزن يغيّر ملامحنا
مين هيحسّ وجعنا الا احنا؟
فمفيش داعي نعيش في خيال
علشان منحكّيش في مواجع
ومنبكيش على شئ مش راجع
ولا نحزن ع الحلم الضايع
بنلخّصها بماشي الحال
بضحك في وش الحزن وبداري اللي فيّا
عمري ما هينت كرامتي، مش بتهون عليّا
مانا لو حكيت أوجاعي مين هيحسّ بيّا
مهما الهموم كترت عليّا انا ميّة ميّة
مهما الأيام قسيت بداري وامشّي حالي
بحوش دموعي أصل دمع عنيّا غالي
ولو الجراح وجعتني برضو مبشتكيش
بنسى الوجع لو حتى كان فوق احتمالي
متنكّر في وشّ بيضحك، عامل نفسي واحد تاني
بتدارى ف ملامح عيرة، وبخبّي ف جراح وجعاني
وبتوّه لكن جوايا نار تعباني وعايشة معايا
بعرف أألف أي حكاية وبقول أي كلام يتقال
سهلة وعادي وماشي الحال!