Hussain Al Jassmi - Ya Ezz Dar (Music Video) | 2015
إهداء إلى أم الإمارات
صاحبة السمو الشيخة فاطمة بنت مبارك
من أشعار سمو الشيخة خولة بنت أحمد السويدي
حرم سمو الشيخ طحنون بن زايد آل نهيان
ألحان وغناء حسين الجسمي
توزيع موسيقي زيد عادل
تم التسجيل والتنفيذ والمكساج في استديوهات فنون الإمارات .دبي
م.جاسم محمد
كلمات الأغنية :
يا عز دارٍ ظلّها عيال زايد
فخر الغلا والحب واهل العقيده
وام الشيوخ اللي بْغلاها نزايد
زادت حلا دار القلوب الفريده
ربّوا شعبهم في ذرى حب زايد
لانّه بناها بْقلبه ما هوب ايده
داري تزيّن كل جيد بقلايد
والفخر يزهى بالشعوب السعيده
والله لو انّ الخَطب للشعب عايد
لانكيد كل من هو سعى بالمكيده
لكنّ طاعتنا لراعي العوايد
يامر علينا والأمر ما يعيده
و الفخر للي تقول انا بنت زايد
بنت الكريم اللي وصوفه تزيده
خلّف قرومٍ عزهم دوم نايد
كل من شكا قيده يفكّون قيده
شيخي خليفه خير حاكم وقايد
بحماه نتباها ونحمي وريده
واغلى محمد عزوتي في الشدايد
وشمٍ وكل ارواحنا تهتدي به
والرمح لي يجرح ثرى دار زايد
نكسر رماحه بالسيوف الشديده
واختامها باقول يا عيال زايد
انتوا الاسود وكل عادي طريده