بسم الله الرحمن نبدها وحي على الجهاد
حنا رجال المعركه واسيادها وابطالها
يا راعي العوجا طلبتك نادنا واقدح زناد
ارفع لنا البيرق ترانا رايتك نسعى لها
اما نحصن بالدم الاحمر حدودك يا البلاد
والا ادفنوني حي والكذبه على من قالها
اضرب بنا روس الطغاه تصبح جماجمهم رماد
حنا جنود الله لو ما زلزلت زلزالها
نشوش لو شفنا رصاص المرت ونحب الجلاد
شرب المنايا اسهل علينا اليوم من فنجالها
صغيرنا يستنشق البارود مع كحل الثماد
وكبيرنا يقدم على حوض الخطر وأهوالها
حنا حزامك ياخو نوره في المهمات الشداد
واحزام ابوك العود واخبر الرجال افعالها
يا والي امر المسلمين اقديت يا راعي الشداد
مشتاق للجنه وانا طول الحياة اسعى لها
حزامك الشعب السعودي راعي المجد المشاد
اهل الميازر والسيوف المرهفه واسلالها
يا شعبنا يا فخرنا يا ذخرنا يا اهل العتاد
يا مقلط العايل على الموت الحمر وادلالها
الوحي شرف دارنا واوطاننا قبلة عباد
وحن قادة العالم وفينا يضربون امثالها