كلمات البوم ولاد النهاردة امال ماهر 2015 كاملة مكتوبة

كلمات : أيمن بهجت قمر
الحان : وليد سعد
توزيع : توما


سكة السلامة شفت انا منك انت ياما
يالا بالسلامة اتفضل رد الباب وراك
احسب الغلاوة واوعي لا تتقلب عداوة
هأعيشك دراما حبيبي بلاش اعملها معاك
هو انتا محدش قالك علي قلبتي
ف العند تعالى يامعلم ودي حتتي
بأتلكك... آه بأتلكك ...ماشي ياسيدي انا ظلماك
دة ماحدش عاش تجربة الا وقوته
والذكي الي بيستقتل علي فرصته
مش فارقه أنا أكون ف عيون الناس مستبيعة وانت ملاك
بأقسي كل مادا.. تاعبة انا نفسي وبزيادة ...
مش لاقية انا استفادة ... ولا حاجة ربطاني بيك
هاعيش لنفسي مرة
سنين انا لا حول ولا قوة
حاولت ميت محاولة ومافيش أي امل فيك
هو انتا محدش قالك علي قلبتي
ف العند تعالى يا معلم ودي حتتي
بأتلكك... آه بأتلكك ...ماشي ياسيدي انا ظلماك
دة ماحدش عاش تجربة الا وقوته
والذكي الي بيستقتل علي فرصته
مش فارقه أنا أكون ف عيون الناس مستبيعة وانت ملاك

احنا ولاد النهارده

كلمات: نادر عبدالله
الحان: وليد سعد
توزيع: تميم

احنا ولاد النهاردا ومسامحاك ع اللي عدا
وموافقة ومستعدة أرجع من غير شروط
وكمان بإشارة منك تلاقيني اترميت في حضنك
واللي هيشفعلك إنك لسه محتاجلي موت
تعالي انا مش ممانعة..حبيبي
أصلي انا راجعة راجعة
وقبل ما تندهلي سامعة وصعب انا اتأخر عليك
مش محتاجة اقول مسامحة..دي حاجة
زي الشمس واضحة
لو اتقال اني كنت رايحة
منك ابقي انا رايحة ليك

أنا إحساسك وصلني
مش محتاجة تحايلني
دا ما حدش يستاهلني
غيرك انت من زمان

سيب نفسك تاني ليا وانا هصالحك عليا
دانا طول الغيبة ديا حاسة بقلة أمان

انا حبيتك

كلمات : عمرو يحيى
الحان: تامر عاشور
توزيع : أحمد عبد السلام

أنا حبيتك .. حب فوق الحب.. وإديتك سنين عمري
وسميتك حبيب قلبي
وصدقني ماصدقت إن أنا لاقيتك
واقول من تاني ... نفسي تبقي الدنيا سمعاني
غرامك ليا وداني لدنيا بعيد
ونفسي أعيد معاك كل الي فات تاني
حبيب قلبي ... هنا روحي...
لاقيت فرحة سنيني معاك ... ومأمناك
وهأقسم حياتي معاك
بأحبك ..وانا وياك
أحلامي هأعيشها معاك
أنا بأدعيلك .. في النهار والليل ..
وهأحكيلك عشان تعرف.. وأوريلك وصلت لفين
ولو ينفع هآخد من عمري وأديلك
حبيبي ياغالي ...
بيك لاقيت احلامي رجعالي
يا أكتر حد أبقالي .. انا اتمنيته
وشكلي دعيت في ساعة ببانها فاتحة لي
حبيب قلبي ... هنا روحي...
لاقيت فرحة سنيني معاك ... ومأمناك
وهأقسم حياتي معاك
بأحبك ..وانا وياك
أحلامي هأعيشها معاك

بحبك

كلمات: ايمن بهجت قمر
الحان: وليد سعد
توزيع: توما

بحبك واصلة متصدقة ... بأقولها كل يوم أعلى
ميبقاش قلبك إسود بقى ... حرام بقى كل دي زعلة
لو ما أسألش ما تسألش
أما أنا مابأستحملش
أحبك كدة وما أبطلش
وأدي حياتي مقدما
لو ما أسألش ماتسألش
إهدا عليا ما تتقلش
في ايه بقى ماتمثلش
ماخلاص بقى صافي يالبن

بأصالحك وأبتدي ليه كدة.... دة واجب ولا دي بدعة
تزعلني وبسيب كل دة وأقول خليني انا الجدعة
لوما أسألش ماتسألش
أما أنا ما بأستحملش
هأحبك كدة وما أبطلش
وأدي حياتي مقدما
لو ما أسألش ماتسألش
إهدا عليا ما تتقلش
في إيه بقي ما تمثلش
ما خلاص بقى صافي يا لبن

أيام ماتتعوضش

كلمات : نادر عبدالله
الحان: وليد سعد
توزيع : تميم

أيام ما تتعوضش مش بنساها ليه..
أيام من اﻷيام معاه سرقتها..
بنعيش يادوب مشاعرنا كل قد إيه..
و نعيش عليها بقية حياتنا كلها..

أيام ما تتعوضش تاني في الحياه..
معيشاني و لسه برضو معيشاه..
دلوقت لو كان صعب أتكلم معاه..
دا كفايا بس عليا أتكلم عليه..

قادر اللي فرقنا يجمعنا كمان..
و افتح مع الدنيادي صفحة قفلتها..
جايز ماكانليش فيه نصيب أيام زمان..
أو ربنا ما كانش رايد وقتها..

ظروف صعبه

كلمات: نادر عبدالله
الحان: وليد سعد
توزيع: طارق عبد الجابر


ظروفي صعبة شوية
عشان حاسة إني بقيت منسية وشايفة إن الدنيا ضاقت بيا..
لكن عمري ما هسمحلك تتشمت فيا..
نسيت حبك ليا..
و بالنسبة لي دي حاجة عادية و انا عموماً مش مستنية..
كلمة تقولهالي لتحسبها جميلة عليا..
وانا في الظروف اللي زي ديا انا ببقي قوية
فما تحاولش تبين لي استضعافك ليا
وان صادفت ولقيتني بفكر فيك وانا ناسية
دا كبيري تاخد من تفكيري واحد في المية.

ظروفي صعبة شوية..
لكن لسه عايشة و متماسكة.. لا قلقانة ولا خايفة و مرتبكة..
لا هزعل و لا هعملك أي أهمية..

نسيت حبك ليا..
لكن عمري ما أبانلك مهمومة.. ولا هعيشلك دور المظلومة

ماهونتش عليا

كلمات : أحمد الجندي
الحان: مدين
توزيع: أحمد عبد السلام


ماهونتش عليا.. أسيبك وأغيب زي انت يوم ماعملت فيا
وصعبان عليا.. أشوفك حبيبي وترضي ليا بالأذية

ماكنتش معايا.. ف أهم وقت إحتجت تبقي جنبي فيه
وبتقول كفاية.. وترجعلي تاني كأن قلبي هواك ماليه
بتعرفني ليه.. دانا نفسي أعرف انت عايز مني إية

بحبك وخايفة.. تخلص مشاعري وييجي يوم وماكنش حسة
مابقتش عارفة.. أفضل معاك عايشة الهموم ولا أمشي وأنسي

غلطت أنا

كلمات : نادر عبدالله
الحان : وليد سعد
توزيع : طارق عبد الجابر


غلطت انا و مين مش بيغلط كل يوم !!
علشان دخلت في حب كان ما لهوش لزوم.
وانا برضو في اﻷول و في اﻵخر بشر..
ومافيش في الدنيا حد من الغلط معصوم..

زمان غلطت عشان آمنت بسرعة ليه..
وشفت فيه عكس اللي لازم اشوفه فيه..
إحساسي بيه كان غلطة أنا بدفع تمنها..
و حبي ليه كان ذنب هتحاسب عليه..

بصعوبة بعد اما انتهيت تاني ابتديت..
بصعوبة ويا الوقت بنسي إني اتأذيت..
كلمة يا ريت لو بيها أنسي الحب دا..
ممكن بقية عمري أفضل اقول يا ريت.....

مفيهاش بعدين


مافيهاش بعدين..لو فيه حاجة بين اتنين..
قبل ما تتقال بكلام تتقال بالعين..
لله في لله..جالي إحساس و انا شايفاه..
إحساس ييجي عادي في سنين للناس..
و معاه جالي في دقيقتين..

للقلب من القلب وصله..
إحساسي قبل ما يتقاله..
وعرفت وانا وياه ..عمري هيتعاش مع مين..

و هتعمل إيه..لو فجأة اللي بالك فيه..
تجمعك الدنيا عليه وتتقابل بيه..
ما بتستناش..ماهي لحظة ما تتعداش..
ماهو علي حس اللحظة دي جايز..
باقي حياتك تتعاش..

ذكرياتنا

كلمات: خالد تاج الدين
الحان: وليد سعد
توزيع: احمد ابراهيم


الكلام عن ذكرياتنا .. ليه مالينا بالحنين ..
ليه بننسى كل حاجه .. لما نسمع كلمتين ..

"عن زمان وأيام زمان .. وحكايات أولها كان ..
كنا لسه فى البدايه .. كنا لسه عاشقين ...

ليه بنهرب م اللى كان .. لما نتﻻقى ف مكان
فين حنين اول مقابله .. لما كنا مصدقين ...


تعمل ايه كلمة ياريتنا .. ومين يرجع عمر راح ..
كنا بنشوف كل حاجه .. حلوه حتى لو جراح ..