هي ” العيال كبرت ” صحيح !
ولا اختيار الموت مُريح
ده أنا كنت لسة يادوب باشوفك
وانت “سلطان” مسخرة
امّا انت راجل سكرة
سايب جميع الناس بتضحك وانت راحل من ورا
غفّلتنا
وهربت فجأة مننا
والموت ف بلدي ياعمنا.. هو الحياة
هيكرّموك
وهيمدحوك
ويحطوا اسمك ربما ف شارع طويل
ويحيوا ذكراك كل عيد
ياجرح ف جبين الكوميديا المُبهجة
الحزن بيعيش ف البلد دي ومُستفيد
يا “سعيد ياصالح” وانت راحل م الحياة
أتمنى تبقى ف آخرتك “صالح” “سعيد”.