استنكر فنانو لبنان الإنفجار الذي حصل اليوم في بيروت بكلمات مؤثرة تدل على وطنيتهم الكبيرة.
راغب علامة: "يا سياسيي لبنان اما حان الوقت ان تحلّوا المشاكل وان يتنازل كل فريق شوي من اجل الوطن والمواطن ؟وتتحدّوا الإرهاب ؟ وتوقفوا طابور الارهاب؟".
عاصي الحلاني: "يد الأرهاب تستمر بقتل الأبرياء واليوم اغتال الأجرام محمد شطح رمز التسامح والاعتدال لبنان في خطر أمام هذه الأعمال الإجرامية! ومازلنا منقسمين".
هيفا وهبي: "نفس التبريرات، نفس الاسباب، نفس التحليلات. الفرق الوحيد ضحايا جدد و دم برئ يدفع الثمن".
وائل كفوري: "هلق عم بحضر أخبار ناس وقتلى وجرحى كتار وبقلبي شعلاني النار تعتير الحالي ...وشحاااار"
نيكول سابا: "انو ما رح نخلص من مسلسل هالانفجارات والاغتيالات؟! وكمان بجمعة اعياد؟!الله يرحم الوزير ويرحم يلي استشهدو بهالانفجار ونشوف يوم بهالمجرمين!"
نقولا الاسطا: "الله يرحم ضحايا انفجار بيروت !!! ما من كلام يفي حق فظاعة ما اشعر به في هذه اللحظات !!!! يكفيني ان اقول " نفسي حزينة حتى الموت".
زين العمر: "رحمة على كل شهداء لبنان الذين سقطوا في هذا الإنفجار الغادر ... نعذي أهاليهم طالبين من الله ان يعطيهم الصبر ... لتكن نفوسكم بالسماء".
محمد اسكندر: "رحمة الله لروح الشهيد الصديق محمد شطح ولجميع أرواح الضحايا الأبرياء الذي سقطوا اليوم في بيروت الجريحة ... "إنّا لله وإنّا إليهِ راجِعون"
ربيع بارود: "وسط الدمار ووحشة الشوارع، صمد الشعب شعبي لا يموت".
سليم سلامة: "مرة جديد تطال يد الارهاب والغدر بلدنا الحبيب لبنان وبروح شهداء وضحايا من الناس الابرياء، الى متى بدو يبقى هيك بلدنا ساحة للصراعات الخارجية وساحة لتصفية الحسابات، اي متى بدنا نوعى ونكبر ونكون كلنا ايد وحدة اسلام شيعة وسنية ودروز ومسيحيي وما يفرقنا شي لان اللي بيجمعنا اكبر بكتير من اللي بفرقنا، لان اللي بيجمعنا هو "لبنان" ، لبنان يا ناس هو اللي بيجمعنا وما في احلى من لبنان، ما تخلونا نرجع لورا خلونا نمشي لقدام بإيد وحدة صلبة ومتينة وما تقدر اي قوة على الارض تهِدا".