العودة   منتديات دريم بوكس > الاقسام الفنيه > منوعات , متفرقات

منوعات , متفرقات مواضيع تهتم بالاخبار الجديدة ولا تتبع لاي قسم اخر من اقسام المنتدى

  1  
Dreambox-Sat





مختارات من رباعيات صلاح جاهين , اقوال و اشعار صلاح جاهين



مختارات من رباعيات صلاح جاهين



يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللي هيموتك
!عجبي
================================================== ======================
يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي
================================================== ======================
غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي
================================================== ======================
أوصيك يا ابني بالقمر و بالزهور
أوصيك بليل القاهرة المسحور
و إن جيت في بالك ... اشتري عقد فل
لأي سمرا ... و قبري إوعك تزور
!عجبي
================================================== ======================
لو فيه سلام في الأرض و طمان و أمان
لو كان مفيش و لا فقر و لا خوف و جبن
لو يملك الإنسان مصير كل شيء
أنا كنت أجيب للدنيا ميت ألف ابن
!عجبي
================================================== ======================
جالك أوان و عرفت مشي الجنايز
كيف شفتها يا عبد رب اللذايذ
قال: شفت شيل بالحيل فقير أو أمير
كما شالوا في الحمامير فواضي القزايز
!عجبي
================================================== ======================
يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي
================================================== ======================
أيوب رماه البين بكل العلل
سبع سنين مرضان و عنده شلل
الصبر طيب ... صبر أيوب شفاه
بس الأكاده مات بفعل الملل
!عجبي
================================================== ======================
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي
================================================== ======================
إقلع غماك يا تور و ارفض تلف
إكسر تروس الساقية و اشتم و تف
قال: بس خطوة كمان ... و خطوة كمان...
يا أوصل نهاية السكة يا البير يجف
!عجبي
================================================== ======================
أنا كل يوم أسمع ... فلان عذبوه
أسرح في بغداد و الجزاير و أتوه
ما اعجبش م اللي يطيق بجسمه العذاب
و أعجب م اللي يطيق يعذب أخوه
!عجبي
================================================== ======================
أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس
!عجبي
================================================== ======================
حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي
================================================== ======================
إيش تطلبي يا نفس فوق كل ده
حظك بيضحك وانتي متنكدة
ردت قالت لي النفس: قول للبَشَر
ما يبصوليش بعيون حزينة كده
!عجبي
================================================== ======================
الدنيا أوده كبيرة للانتظار
فيها ابن آدم زيّه زي الحمار
الهم واحد...والملل مشترك
ومفيش حمار بيحاول الانتحار
!عجبي
================================================== ======================
بحر الحياه مليان بغرقى الحياه
صَرَخت خش الموج في حلقي ملاه
قارب نجاه!...صَرَخت قالوا مفيش
غير بس هو الحب قارب نجاه
!عجبي
================================================== ======================
إنشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
!عجبي
================================================== ======================
زحام وأبواق سيارات مزعجة
إللي يطول له رصيف...يبقى نجا
لو كنت جنبي يا حبيبي أنا
مش كنت أشوف إن الحياة مبهجه؟
!عجبي
================================================== ======================
إيديا في جيوبي وقلبي طِرب
سارح في غربة بس مش مِغترِب
وحدي لكين وَنسان وماشي كده
وبابتعد...ما اعرفش...أو باقترِب
!عجبي
================================================== ======================
فتحت شباكي لشمس الصباح
ما دخلش منه غير عويل الرياح
وفتحت قلبي عشان أبوح بالألم
ما خرجش منه غير محبة وسماح
!عجبي
================================================== ======================
أنا الذي عمري اشتياق في اشتياق
وقطر داخل في محطة فراق
قصدت نبع السم وشربت سم
من كتر شوقي وعشمي في الترياق
!عجبي

أكتب تعليق على الموضوع مستخدماً حساب الفيس بوك

ضع تعليق باستخدام حساب الفيس بوك

من مواضيعى فى المنتدى

بالفيديو جهاز مبتكر لشفط الدهون من الجسم خلال 20 دقيقة
بالفيديو قهوة براز الفيل الأغلى في العالم - يوتيوب قهوة براز الفيل الأغلى في العالم
شوف الشي الحلو هنا؟؟
تردد قناة ‫مصر الان على نايل سات اليوم الجمعة 26-6-2015
صور متحركة لبكاء المشتركات على غناء ماجد المهندس
حكم التهنئة والتعامل في عيد راس السنة و عيد الكريسمس
تردد قناة رسالة الاسلام على النايل سات لمشاهدة البرامج الدينية و الاسلامية في رمضان 2012 -1433
صور عثمان بطل مسلسل علي مر الزمان 2013



مواضيع ذات صلة مع مختارات من رباعيات صلاح جاهين , اقوال و اشعار صلاح جاهين
صور مكتوب عليها اقوال صلاح جاهين , صور فيسبوك كلمات الشاعر صلاح جاهين
اجمل ما كتب صلاح جاهين , كلمات روعة للشاعر المصري صلاح جاهين
تحميل رباعيات صلاح جاهين بصوت سيد مكاوى , تنزيل رباعيات صلاح جاهين بصوت سيد مكاوى mp3
رباعيات صلاح جاهين , رباعيات صلاح جاهين كاملة مكتوبة ,Rba'yat Slah Jahyn
أجمل رباعيات صلاح جاهين , رباعيات صلاح جاهين كاملة

مختارات من رباعيات صلاح جاهين , اقوال و اشعار صلاح جاهين





رسائل حب | صور حب | صور بنات | صور 2017 | صور ورد | صور ساخنة | صور اغراء | فساتين سوارية | تسريحات شعر | قمصان نوم | قصات شعر | عبايات 2017 | صباح الخير | مساء الخير | كلام جميل | كلام حب | صور مكتوب عليها | جمعة مباركة | حظك اليوم | بوس شفايف | تردد قناة | ترددات النايل سات | يوتيوب | كلمات اغنية | كريستيانو رونالدو | جورجينا رودريجيز

الساعة الآن 07:31 AM.


Powered by vBulletin Version 3.8.7
Copyright ©2000 - 2017, Jelsoft Enterprises Ltd
Support: منتديات دريم بوكس