Thread Back Search


كلمات اغنية ما نسكت وائل البدري وحسين الكعبي 2013 كاملة

  • Dreambox-Sat
    2013-08-05






  • كلمات اغنية ما نسكت وائل البدري وحسين الكعبي 2013 كاملة

    كلمات اغنية وائل البدري & حسين الكعبي
    اللي بعنوان :: ما نسكت ::
    الاغنية والكلمات والالحان والتوزيع فد شي كلش راقي
    واليكم الكلمات ....

    الـــــــــشـــــــــــاع ـــــــــــــر
    تعيين العراق انكلب شرطة وجيش
    كل الشغل صار بشغله الحراس
    وانباك النفط كلنه النفط مبيوك
    صبحنه الصبح مبيوكه حته الناس
    وخاف يمر علينه الفجر ثالث يوم
    مبيوكين نلكه حسين والعباس
    الــــــــمـــــــغــــــ ـنــــــــي
    ما نسكت بعد وياهم النه حساب
    اليخون الوطن ما نكدر نعذرة
    تره الذابح شعب ما يستحي من الناس
    شلع كصته كبل ما تنزل الكطره
    ظل يحجي بجذب لجل الوطن والدين
    واذا صارت صدك من روحه يتبره
    وبس تطلع زلمنه ماكو حق يضيع
    ناخذ ثار منه الواحد بعشرة
    الـــــــــشـــــــــــاع ـــــــــــــر
    المواطن شخص عادي يفلس ويندان
    ما شايف وطن يدكه الاستفلاس
    وكل واحد ذبحنه بأرقه منصب صار
    وعلى دمنه البجفه يكول حنه وياس
    شاب وعده مبداً حارب الطغيان
    يسوى اهل السياسة ويشتغل كناس
    الــــــــمـــــــغــــــ ـنــــــــي
    بدموع اليتامه بصرخة المحتاج
    رادوا ننكسر ونعيش بالحسره
    بس انت العراق مو تنكسر هيهات
    هو البيك عايل ينكسر ظهرة
    ملينه وتعبنه وهذا حدهة الروح
    طلعت روحنه مو مرة الف مرة
    ميهمنه البحر الروج يلطم روج
    نعبر هالبحر بزنودنه السمرة
    الـــــــــشـــــــــــاع ـــــــــــــر
    لا تسكت بعد يا شعب يا مظلوم
    رادوا فتره منك خلصت الفتره
    احنه اهل العراق ويشهد التاريخ
    مثلنه منخلق خيال للمهرة
    دجلة ويا الفرات اتصيرلك شريان
    واذا صابك جرح تنزفلك الحضره
    الــــــــمـــــــغــــــ ـنــــــــي
    صابر يا وطن والصبر حده الوين
    ساكت على الضيم وكلبك شكبره
    حربهم عالكراسي وتفرقه وتهديد
    متلم الشعب بس رادت اطشره
    تعبان المواطن حار وين يروح
    بس يريد يطلع سالم بعمره
    يموت بأنفجار وخلص هم يموت
    اذا ماكو انفجار يموت من قهرة
    الـــــــــشـــــــــــاع ـــــــــــــر
    احنه اهل الكرم والطيب والاحسان
    تطي اليمنه بس ما تعرف اليسره
    واحد نبقة غصبن عالسياسيين
    ومن ليل السياسة نطلع الكمرة
    اوكف يا شعب واسطرهم بيمناك
    ينسى اسمه التكوم وجفك يسطره
    الــــــــمـــــــغــــــ ـنــــــــي
    حلة وكربله وكركوك وي ذي قار
    ودهوك ويه موصل تشتعل جمره
    اربيل ونجف والكوت وي بغداد
    ادكوم اهل الرمادي تحضن البصره
    تقبل يا شعب هذا الظلم والجور
    من دمنه الشوارع تنكلب حمره
    بعد محد يساعد شوف حال الناس
    يا رب مد اديك وساعد الفقره


    من مواضيعى فى المنتدى

    صور عبد الله حافظ من سوريا بالحلقة الاولى من برنامج الاكس فاكتور

    سعر جهاز سامسونج جالاكسي اس 4 – Samsung Galaxy S IV

    كلمات اغنية ياما زان غادة رجب البوم صورتي 2012 - كلمات اغنية ياما زان 2012

    ابراج إبراهيم حزبون اليوم الاحد 16-3-2014

    اسعار العملات فى لبنان اليوم الجمعة 7/2/2014

    صور لجنة التحكيم في برنامج عرب غوت تالنت Arabs Got Talent

    تحميل اغنية منيل المعن فركونا 2012 mp3

    اسعار الدولار في مصر اليوم الثلاثاء 28-1-2014 في البنوك ومحلات الصرافة والسوق السوداء


مواضيع متشابهة

كلمات اغنية فدوة الك يالحب سعدون البدري 2020 مكتوبة كاملة

يوتيوب تحميل استماع اغنية اكثر شي وائل البدري 2016 Mp3

يوتيوب تحميل استماع اغنية دير بالك وائل البدري 2016 Mp3

تحميل اغنية كبرت راسك وائل البدري 2014 Mp3

تحميل اغنية الكيك وائل البدري 2013 Mp3


Powered by vBulletin® Copyright ©2000 - 2024, Jelsoft Enterprises Ltd.