- تلاقى الدكتور بيحط السماعة 3 ثوانى على الـ chest
بتاع العيان ،،وفجأة وشه اتغير .. ويقول لأهل العيان :
" لازم يتنقل المستشفى بسرعة " !!!
3 ثوانى يا ظلمة ؟؟!!
بيحسسوا الناس انك لما بتحط السماعة
فيه واحد قاعد جوه بيقولك الــ ( التشخيص ) مثلا !!!
__________
- الانقح من كده كمان لما الدكتور يخش بالسماعة وجهاز الضغط بس ويطلع يقولك مبرووووووك المدام حامل وكمان فى الشهر الرابع !!!!!
عرفت منين ياعم انها حامل ؟؟ وايه اللى خلاك متأكد كده يعنى؟؟؟
__________
- حاجة تانيه برضه لما يكون البطل مريض وتقدم له البطلة حبة الدواء مع كوباية ميه وبعد ما يبلعها وتسأله البطلة ف ساعتها,,
ها عامل اية دلوقتي ؟؟
المفاجأة انه يرد عليها " الحمد لله بقيت احسن !! "
(كدة بالسهولة دي واخد حبة البركة مثلا ولا ايه؟؟؟؟ )
__________
- اى حد بيكح دم يبقى عنده " سُل " وششش مفيش كلااام !!
- اى حد بيقطع شريان ايده بيموت فى أقل من ثانية
حتي قبل ما ينزف أو يجيله شوك !!!
- أى واحدة بتولد .. الدايه تقولك حضرولها المية المغليه بسرعه !
هيسلقوا البيبى ولا ايه ؟؟
___________
- الدكتور بعد ما بيخرج من اوضة العمليات ما بيقولش غير
جمله واحده من 3 جمل ثابتين فى كل الأفلام العربى :
" للاسف اضطرينا نضحى بالجنين عشان الام تعيش ... "
" شدوا حيلكو يا جماعه ... "
" العمليه نجحت بس مش هتقدروا تشوفوه دلوقتى ...."
***********
تباً لتلك الافلام اللى بوظت سمعة الدكاترة أكتر ماهى بايظة !
^_^
00--00
00--00
LinkBack URL
About LinkBacks