klmat a'3nyt ya wryth almgd asma3yl mbark mktwbt wkamlt
ياوريث المجد واحلامك عظيمه
وكل يوم الواقع بهمتك يكبر
يامحمد فيك للآمال قيمه
والوطن كله بدربك ماتعذر
قلت فينا من طويق اقوى عزيمه
ومن سموك نستمد الهمه اكثر
همتك قول وفعل معنى وقيمه
والثريا لك يابو سلمان منبر
في كفوفك للوطن والشعب غيمه
ماتغيب وكل مطلع شمس تمطر
نظرتك لليوم ولباكر حكيمه
في عيونٍ لاجل عز الدار تسهر
يامدى روح الشباب ويازعيمه
سر على درب الهدى والحق واعبر
الليالي فيك بأذن الله كريمه
وانت من هقوة وطنّا فيك واجدر
ياوريث المجد ..ومجدد قديمه
الآماني فيك تكبر والله اكبر
قصيدة يا #وريث_المجد في قائد الرؤية #ولي_العهد #محمد_بن_سلمان
@snampoet كلمات : سنام
غناء : إسماعيل مبارك
ألحان : نواف عبدالله
توزيع : رأفت
مكس وماستر : جاسم محمد
ايقاعات : هاني الدوسري