ما على بالي طرا، و انا على باله طريت
أدري انّه ما درا، و يحسب انّي ما دريت
كل فكره قبل لا تخطر في باله
قبل لا توصل خياله
أدري فيها حتّى لو فكّر لحاله
و يحسب انّي ما دريت!
لا تلف ولا تدور، لو يصير اللي يصير
ما بقى لك أي دور، كلمه خذها من الأخير
لا تحاول، لك ثراك و لي سماي
غلطتك كانت معاي
إنّي أوفى من وفاك ومن وفاي
و انت عمرك ما وفيت!
لا تعيد و لا تزيد، و لا تفكر بالرجوع
لا تجي بدمعٍ جديد، انتهى وقت الدموع
لا ترجّا، صار ما لك أي خاطر
لملم جروحك و سافر
اعتبرتك في حياتي حلم عابر
و انتهى لحظة صحيت!