لا تسافر تنطفي شمعة زماني
طار قلبي يوم طرّيت السفر
لا تولعني وتتركني اعاني
لا تزود مهجتي هم وسهر
العمر يا فاتني زايل وفاني
الصبر ماعاد له عندي صبر
لو تشوف البعد سوى في ثواني
ولّع بقلبي لهب نار وجمر
ياعديل الروح يا كل الاماني
ياحبيبي انت لي سمع وبصر
لو تشوف القلب مابين المحاني
في خطر من يوم ما سمع الخبر
انت الاول في حياتي وانت ثاني
وانت في دنياي لي شمس وقمر
لا تروح اليوم يا دنيا حناني
لا تخليني أموت من القهر