انا عندك على بابك ادور قلبي المفقود
تركني يوم انا شفتك وفز لقلبك بلحظه
يقول انه يبي قربك ولا وده علي يعود
وانا وش حيلتي وياه ترك سماي لترابك
ابيه يرد لي سالم مثل ما كان لي موجود
لأن البعد ذابحني وبالفرقى قوي حظه
وعدني ما يفارقني ولأجلك ما وفى بوعود
غفلت بلحظة فيها عجزت انا احسب حسابك
انا عندك على بابك ادور قلبي المفقود
ابي منك تعلمني اذا كان الغلا محدود
لأجل ما يبني احلامه على شيء وصل حده
واذا باب الغلا فاتح ولابه في المحبه قيود
انا قلبي تركته لك بعد ما نال اعجابك
تعال أنت لدنيتي راضي ولا يهمك حكي وردود
من الي يقوى يبعدنا وقلبي جايك بيده
أبيك تكون لي اجمل قدر بعيونهم محسود
وانا بصير لك صوره تِندّم قلب من تابك
انا عندك على بابك