اسباجتى بالكفته صوص الباربيكيو طريقة عمل اسباجتى بالكفته وصوص الباربيكيو
طريقة عمل اسباجتى بالكفته وصوص الباربيكيو
نشرت الشيف سالى فؤاد على الموقع الرسمى لقناة “سى بى سى سفرة” طريقة تحضير اسباجتى بالكفته وصوص الباربيكيو بمكونات سهلة وبسيطة يمكنك تجربتها بنفسك.
المقادير:
1/2 كيلو لحم مفروم (قليل الدسم)
1 معلقة ثوم بودر
1 توست أسمر
1 بيضه
1 معلقه صوص باربيكيو
ملح – فلفل
1 معلقه صغيره زعتر ناشف
1 بولة وسط خضروات مقطعه دوائر كوسة جزر
للصوص
1/2 كوب باربيكيو
1 معلقة صغيره ثوم بودر
ماء حسب الاحتياج
1 كيس مكرونه اسباجتى مسلوق الدنتى ومغسول ومقلب فى الزيت
طريقة الإعداد:
- ضعى اللحم المفروم فى بولة وقطعى التوست قطعًا صغيره جدا وضيفى له صوص الباربيكيو، والبيضه والزعتر والثوم والملح والفلفل واخلطيهم جيدا ثم ابدأى بتكوير اللحمة
- ضعى كور الكوسة والجزر واللحم فى قالب وضعى القالب فى الفرن لمدة 20 دقيقة، على درجة حرارة 150 درجة
- ضعى صوص الباربيكيو والزعتر والثوم البودر والملح والفلفل فى بولة واخلطيهم ثم ضعيهم على كور اللحم والكوسة والجزر الخارجة من الفرن، وأرجعيها للفرن مرة أخرى على نفس درجة الحرارة لمدة 10 دقائق، ثم ضعى الكفتة والصوص على المكرونة وقدميها