أخيراً تحقق حلمنا وصرتي حلالي من بعد ما نطرنا سنين شهور وليالي
وغيري أنا قلبك ما إختار وبعدك يحرموا النسوان كلهم عحالي عحالي
يا عمّي لا تزعل لو قلّك رح آخذ بنتك من عندك
وقدّام كل العالم بحلفلك رح شيلها بقلبي و بعيوني
الليلة هيّ ليلتنا اليوم بتكمل فرحتنا
الحلم اللي سوى حلمناه تحقّق وصرتي حلالي .. الليلة هيّ ليلتنا
------
يا عمري هالأبيض شو لابقلك حبست دموعي بس شفتك
والدمعة نزلت من أمّك و يا أمي مرتي صارت بنتك
شايف حالي ونيّالي أجمل عروس قبالي
و ضوّي يا نجوم ولالي وعقبال كل العزّابي.. الليلة هي ليلتنا
------
علّوا هالموسيقى بهالرقصة تالحلوي تتدلل بعرسها
صرتي على إسمي من هاللحظة ويا ربّ تبارك هالفرحة
أنا حلمي نصبّح أمّ وأبّ ويصير عنّا بنت وشبّ
ونعيش العمر بالحبّ يا شريكة عمري
جيت وجبت المحابس ثوب العريس أنا لابس
فارس من أحلى الفوارس قولي وحدك رجّالي
الليلة هيّ ليلتنا اليوم بتكمل فرحتنا
الحلم اللي سوى حلمناه تحقّق وصرتي حلالي .. الليلة هيّ ليلتنا
الجدير بالذكر أن جاد طرح عبر موقع يوتيوب أغنية بعنوان "بيروت عهد رقبتنا" ، تحكي عن اللبنانيين بعد قصف مرفأ بيروت.
الأغنية من كلمات وألحان عمر جاد ومزجها أنور مكاوي.
الجدير بالذكر أن عمر جاد طرح أيضا أغنيته "قولي اللي بقلبِك" التي صورها بأسلوب تحرير الفيديو ، حيث تولى الكلمات واللحن واخراجها بنفس الوقت ، ووزعها غنائيا علي زلزالي وإتقان نور مكاوي.