طرح الفنان مصطفى كامل أغنية كارت احمر على قناته عبر موقع اليوتيوب كلمات والحان/ مصطفى كامل م. صوت وماستر/ خالد رؤوف صولو/ محمد عاطف توزيع/ محمد جابر Powered by Takwene
وتقول كلمات الاغنية
م النهارده لا لا .. لا يا قلبى والف لا
م النهارده خلاص هنفتح صفحه تانيه مع الحياه
م النهارده كارت احمر للى جرح واللى خان
يلا بره من حياتى يلا بره ملوش مكان
اللى واخد على الخيانه يروح لناس بتشبهه
واللى حاببنى بأمانه يترمى فى احضان أمان
م النهارده كله ينسى طيبة القلب القديم
يعنى يلا مع السلامه للمزيف واللئيم
أكتفيت انا باللى عيشته وشوفته منكم
والسواد اللى فى قلوبكم فى عز قلبى ما كان سليم
النهارده وبكره حاجه غير اللى عدى واللى راح
القساوه بالقساوه والجراح قدام جراح
مش ح ندى فرصه تانيه ومش ح ندى خلاص أمل
ياما شفنا وأتعمل فينا وقلنا كتير سماح
وصابرين .. يا قلبى انا وانت
صابرين .. ح نفضل كده لامتى
صابرين .. ع الجرح والقسوه
صابرين .. على ناس قلوبها حجر
صابرين .. على ناس ضميرها فجر
صابرين .. على ناس ولا تسوى
م النهارده قلت اصفى ويا نفسى ميت حساب
فرق بين اللى حاببنى واللى سبب لى العذاب
ايه اللى يجبرنى ان املى كتاب حياتى بألف حد
واللى خان بجد ح أقطع صفحته من الكتاب
عمرى عدى جرى بيا والزمن يا دنيا دار
شفت ناس خاينين كتيره شفت غدارين كتار
كل ضربه جت فى قلبى من اللى حبتهم اوى
فوقنى وندمتنى علمتنى اخد قرار
طول حياتى عشت سهل وعشتها انسان بسيط
وسط ميت مليون انانى . ووسط ميت مليون حويط
بس للأسف فيه ناس بتفهم الطيبه غلط
واللى طيب ف الزمان ده الناس بتقول عليه ....
وصابرين .. لالا خلاص يا سنين
صابرين .. كنا زمان صابرين
صابرين .. على غدر كل الناس
صابرين .. والصبر طال بينا
صابرين .. وعد وخديه علينا
يا سنين .. من النهارده خلاص