كلمات اغنية كورونا عمر العبداللات 2020 مكتوبة
-
بنت الاردن
2020-04-05 -
كلمات اغنية كورونا عمر العبداللات 2020 مكتوبة
الكلمات
قالت وش اللي حصل ؟ وين الحقيقة وين ؟
وش غيّر الحال ياالله جعلها خيره
واشنطن اليوم تشكي حالها وبكين
والكل ينشد عن الحاصل وتفسيره
قلت الله أدرى ولا ندري ولا تدرين
والعلم عنده وله حكمه وتقديره
الناس لا من طغوا ولّا غدوا لاهين
ولا خيّم الظلم ولّا ماتت الغيره
او لا تمادى الغشيم وقّلوا الوافين
ولّا توفّى الضمير وغاب تأثيره
لا بد من فزعةٍ من عقب ضيم سنين
ولا بد من هزّة وبلوة وتكشيره
لا يزعجك هالشقا واللي مغصك الحين
ذاك المرض والعرض لا يكون لك سيرة
هذا الخِضرْ حين موسى شاف منه الشين
شاف الذي زاد به غمّه وتكديره
شق السفينه ذبحله جاهل مسكين
وأوصاه يصير وطار الصبر مع طيره
وفي تالِيَتها ظهر ما لا تشوف العين
يا كبر رحمات ربي ويا كثر خيره
كم هاجر من العرب للغرب منضامين
فروا يبون الستر من دون تأشيرة
شافوا العزا والوزا من شرذمة باغين
واليوم شافوا رضا الرب وتياسيره
راحوا وصاروا دوا ولدينهم داعين
ولولا العزا والوزا ما صارت الخيرة
نسل الصحابة من ارض الشام والنهرين
في وسط أوروبا لهم ركعة وتكبيرة
قالوا كرونا وقلت الصبر والله زين
لعل صبح البشر تزهر نواويره
راح أنبيا وجند ربي بالملا باقين
تسوقهم رحمته من ديرة لديرة
ولا عقب هذا العسر غير اليسر واللين
واللي يفكر يدله صح تفكيره
لابد ما حادثاتٍ تصلح الغاوين
والحق لا بد ما تصدح عصافيره
ولا بد من فتنةٍ يصحى بها الغافين
وذي سنة الله وهذي من تدابيره
باكر يعم السلام وينتصر هالدين
مقيولةٍ في كتاب الله وتفسيره
هذا إمتحان لنا وبشرى لأهل حطين
وتحذير للي نسى الحق وظلم غيره
ربك رحوم وكريم وكلنا دارين
لا ياخذك فيه لا شكٍ ولا حيرة
أشعار الدكتور صالح الشادي
بث مباشر مباراة العروبة والخليج اليوم 24-12-2014
صور الجمبرى السفاح 2014 , تعرف على سمكة الجمبرى السفاحة 2014
صفحة جديدة لدعم هاتفي جالاكسى اس 6 واس 6 ايدج من سامسونج
صور ريتا أورا في حفلة Take-Two E3 Kickoff
تردد قناة Commec على نايل سات اليوم السبت 6-4-2019
صور أطقم شاي عصرية 2015 , أحدث أطقم شاى للمنازل العصرية 2015
صور كلوديا روماني بالبكيني الزهري على شاطئ البحر 2015
صور كاريكاتيرات مضحكة عن الواسطة 2017/2018
Powered by vBulletin® Copyright ©2000 - 2024, Jelsoft Enterprises Ltd.
