لاتمسح دموعك بكمك، ما لاقت الدمعه بعيناك
يسلم أبوك و تسلم أمك، تسلم لمن حبك و داراك
الزين بما فيه عمك، سبحان من بالحسن حلاك
الصبح يتنفس بفمك، و الجمر ما ذوّب ثناياك
الليل من خلفك يلمك، و الشمس تشرق من محياك
و الورد يتمنى يشمك، يرشف عطر من كف يمناك
ثقيل مهما خف دمك، كل شيّ ف الدنيا تمناك
شرت الصبا نوده يزمك، و يزم قلبٍ يطلب رضاك
لاتمسح دموعك بكمك، ما لاقت الدمعه بعيناك
يسلم أبوك و تسلم أمك، تسلم لمن حبك و داراك
مشتاق لك ودّه يضمك، و يعيش باقي العمر وياك
وده يعيش العمر يمك، وش خانة الدنيا بليّاك
مهتم بك لو ما يهمك، ما دامها دنياه دنياك
يرحم أبوك و يرحم أمك، ارحم عسى يرحمك مولاك!