دِبلو عيونو
دِبلو عيونو .. تِقلو جفونو ... تِعبوا شويِّ ونِعسوا
غمَّض فتَّح .. زهزه صحصَح .. مش عم نِسمع حِسّو
لوّحنالو .. انتبهْ لْحالو ... صار يواخِذْ نفسو
دِبلو عيونو .. تِقلو جفونو ... تِعبوا شويِّ ونِعسوا
* * * * *
مِش عمْ يمزح غصْبٍ عنّو
دابوا خدودو تغيّر لونو
لكِن ما في أهضم مِنّو
بِسكوتو وِبهمسو
دِبلو عيونو .. تِقلو جفونو ... تِعبوا شويِّ ونِعسوا
* * * * *
لابِس بدلِة شو عَ بالو
ناسي كِلّ الناسِ قبالو
قاعِد والنّومِة بتِحلالو
رحْ يِتجَعلَك لِبسو
دِبلو عيونو .. تِقلو جفونو ... تِعبوا شويِّ ونِعسوا