ياعيوني لو يزيد الشوق ما بان التعب
دام باقي بالحنايا ليل واحساس وظبي
يا اصعب من الامنيات اللي على درب المها
واسهل من النوم في عين الرضيعه والصبي
لو رميتيني خطاء
وان جرحتيني الجفا يقول لك قلبي ابي
عزت ابيات القصائد فيك لاتكتب عجب
والحروف الابجديه والكلام اليعربي
كل بيتاً يكتب اعجابك يكتب بالذهب
فرحتي به كثر حزني يوم بيتي حس بي
ان وصفتك شوق مقدر ارسمك عين وهدب
وان طريتك عشق تسبيني عن العالم سبي
اجزل بحور القوافي واجمل لحون الطرب
روعن اللي تخيلته واكثر مطلبي
انتي اصدق ورغم ان الوصل معنى قبل
كل ما طار الحمام صوب دارك طار بي
يا اجمل عيون ملاهن حب ودمع وشغف
كل شوق مر بالدنيا احس انه مر بي
ان لفاك البرد تدفي دونك ضلوعي حطب
اشعليها وكان ماكفت تعالي واحطبي
اعشقك من زود شوقه ماترك باب وسبب
لاجل عينك لو يطول الصعب ما زاد تعبي
يا اجمع بيوت الملامه فيك يضيع العتب
ماعرفت الا احبك حيل قولي واطلبي
Powered by vBulletin® Copyright ©2000 - 2024, Jelsoft Enterprises Ltd.