Lyrics : Amir Teima
Composer & Arranger : Khaled EZz
بلدى التاريخ لما بيتكلم عليها يقول وينحنيلها احترام
بلدى اللى مهما اقول عليها واحكى ميت سنه
صعـــــب اوصفها بكـــــلام
وصى عليها المصطفى بأهلها وبناسها خير
والمسيح عيسى ابن مريم ياما عنها قال كثير
على أرضها عاش الصحابة والانبياء وسيدنا ابراهيم
تجلى فيها ربنا فوق الجبل موسى الكليم
بلدى الزمان مقدرش يأخد من شبابها
بلدى كل الدنيا تعمل حسابها
بلد الفنون بلد الادب .. حضن للغريب وقت التعب
بلدى اللى فاتحه للعرب والدنيا بابها
بلدى اللى لو قامت مفيش قوة تقدر يحوشها
بلدى حاميها ربنا ومن بعده جيشها
جيشها اللى شايل همها، صوتها وروحها ودمها، إدانا حرية وأمل وحياة نعيشها
بلدى اللى وقت الشدة دايما فى النهاية بتنتصر، واللى محدش جيه عليها فى يوم إلا وخسر
بلدى قوية ومستحيل تقع فى يوم أو تنكسر..بلدى قوية ومستحيل تقع فى يوم أو تنكسر