تبي تعرف من دونك
من أكون !
سؤال صعب في
خافق المشتاق
تطمن ما راح أكون
شي!
غير بقايا حب وسط
قبر مدفون
،،،،،،،،،
ياغرور مابدالك من
الغرور
غير انك تستحق الغرور
دامك حبيبي
شف القمر لاضوى بوجهك
النور
يسرق النور عقب شمسي
لاتغيبي
،،،،،،،،،،،،،
ليتك تفهم شعوري
وأحساسي
وليتني أعيش بوسط
أحساسك
تعال أسكن بوسط
أنفاسي
أنا قلبك وروحك أنا
أنفاسك
،،،،،،،،،،،،
انـا الذي أسئلگـ في غيابگـ وينگـ
يامصدر الشـوق عليگ ماتشرهت
والله من يـوم عيني فارقت عينگ
زاد شوقي شـوق ولعينگ تولہت
گان حبگ وطن خلني أول محبينگ
أو واحد من ظلوعگ يلقاگ لو تہت
،،،،،،،،،،،،،
ماودي أتخيّل حياتي / بليّـاك
يا أغلى من أقرب شخص لي بحياتي
ومن كثر ما احبك وأبي ساعة رضاك
شفني على خنجرك / كاتب وصاتي !
دامك تبي الفرقا .. فـ أنا اروح وياك
ما ابغى أقابل لين أموت .. امنياتي !
خذني وعذبني على كيفك هناك !
وان مت .. رجعني على ذكرياتي
لاتشتكي للناس لاضاق صدرك .... الناس ماتملك مسره ولا ياس
الناس مثلك حالهم مثل حالــك.... والكل من مر الليالي شرب كاس
ولا تحسب انك بالتعاسه لحالك.... اعرف ترى عايش معك بالشقا ناس
ارجي السنين المقبله تنصف الحال ... عقب السنين اللي مضت لي حزينه
مشيت كل دروب الايام رحـال... طال الشقا والحزم طالت سنينه
وكل من نشد ويقول وش هي الاحوال... اجامله بالرد واقول زينه!!
بحجز على لندن تذاكر وترحيل .... وآخذ بدل هالقلب قلب صناعي
قلب صناعي مابه احساس ويميل .... وطيفته للدم يعطي اندفاعي
والقلب الاول ارسله لك بمنديل .... واقول خذ هذا السبب في ضياعي
بعض العرب من جور الايام مجروح.... وبعض العرب دله وسالي ومرتاح
مرتاح ماشاف الطباشير واللوح .... ولا راح وقته بين تحضير وصياح
حصه نشاط وبالتعاميم مذبوح .... وبين الاحتياط وبين الاشراف سواح
خزنت لك بالقلب عشره ملايين.... ماهو رصيد فلوس لكن موده
زكاة حبك هي غناة المساكين.... من الساحل الشرقي الى حد جده
بمشي معك والله على العسر واللين .... الموت والمقسوم ماحد يرده
ابيك تدري صوتك العذب لاغاب ....احس نفسي تنكسر من غيابه
كذا غيابك للحزن يفتح ابواب.... غصب علي البس شقاه وثيابه
ادمنت صوتك وأن تثيقلت كذاب .... من يعشقك لاغبت يفقد صوابه
محد يشق القلب من غير تفكير .... حتى الكاتر ترتجف ثم تحتار
الحب يشق القلب من غير تخدير .... ويبني قصور بداخل القلب وانهار
هذي نصيحه قلتها بصدق وتعبير .... وارسلتها للي حافظن كل الأسرار !!
لا لاتلوم القلب يوم إنه اغلاك.... وش حيلتي مدام قلبي عصاني
غصب علي قلبي يوديني هناك.... جيت اشتكي لك من عذاب الزماني
ياروح روحي وش حياتي بلياك.... لاشفت زولك ارتبك في مكاني
ان غبت عني تظلم الدار والحي ... وإن غاب غيرك ماعسرني غيابه
أنا بدونك زهره مالها ري.... بين الهشيم وتستغيث بسحابه
مصفره الاوراق مقطوعه الفي ...يبكي لها سيح الشام وهضابه
النار تكوي ضامري كي... والفكر متشتت وفاقد صوابه
كان الوفا ينجب رجاجيل وعيال * عز الله انك واحد من رجاله
وقفت لعيونك على طول طولي * محد عطيته من الغلا نص ماجاك
أقول في نفسي وأنا أعايد الناس * متى بشوفك تكمل افراح عيدي
ماكنت في قلبي ولا كنت فـ البال
توّي عرفت انك فـ عمري حقيقه
شفت البحر وشلون يشتاق للجال
هذاك شوقي لا فقدت دقيقه !
فاض من قلبي شعور الشوق لك
وأنت حاضر كيف لاغبت ورحلت
والله إني كـل ما جيت أسألك ؟؟
عن قدر نفسي رحلت ولاسألت !
*في طلتك تزهر مداين حنيني
وتنبت على جال التعب زهرة الشوق
حلفت لك وحدك براحة يميني
والناس باليسرى على ذمة الذوق
*اشتاق في غيبتگ وافرح اذا جيت*
يعني على ما ظن شكلي احبــــگ
عاتبوني و المعاتب بـ سلم العاشقين
ما يجي الا من محبه ومن قدر و غلا
ادري ان الشوق فضاح و الخافي يبين
و من تعود قول لبيه ما يضبط هلا♡
من زمن ماقلت لي عطني يدينك
لا خذاك الشوق لـ عيوني و شفته
رغم كل اللي حصل بيني و بينك
ما أنكر إنك أجمل إنسان عرفته
*عذبني الشوق وآسرفت بخيالاتي
روح تحبك دخيلك ليش .. تهمـلها،،
أبسألك
*كيف أقدر أرتآح وأنآم
وبين الشهيق وزفرة الشوق غصّه
شفهآ جروحي
*لآبدى وقت الأحلآم
تأخذ لهآ في مسرح الحلم رقصه
روّح علي من ليل الأشواق ثلثين
واقبل عليّ ثلثٍ طوا ضيقتي طيّ
عقب الهموم وظلمة الليل والبين !
تنويرة الهاتف ملت ليلتي ضيّ
البارح اضوي به وادوّر على شين !
والحين نوره مالي البيت والحيّ
حي اتصالك يوم جاني على الحين
الفا يقدّيني عن الطيش والغيّ
يامرحبا يا صوت اشاهده بالعين
صوتٍ رسم طيفك بلوحات عينيّ
في ذمتي يا سيد كل المزايين
صوتك مثل ما أخذتني ؟ ... رَدني ليّ
تنشد عن احوالي وانا اقول لك : زين*
ماغير جرحٍ وآخر علاجه الكيّ
أتعبني ان الحب ما بيننا بين*
والمجتمع باقي على وصلنا عيّ
بس التعب فدوه .. وحن أجل اثنين
تعبك يالغالي مثل شربة الميّ
يرخص لك الغالي .. ويهدا لك الزين*
تامر عيوني ؟ هاك هذي قبل ذي
في خاطري يا مهجة القلب بيتين
دامك بتقفل قبل الآذان بشويّ
حق الأذان وحق صوت الملبين ؟*
لك في خفوقي شي .. لا ماهو ب شي
اشيااااااء .. لكنّي باعلمك شيئين :
شوق و محبه .... موتتني وانا حيّ
،،،،*
تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك*
...*
حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك*
...*
وربي فوق روس الشوك.. لا اخلي القلب يمشي لك
واخلي ظلالي يسبقنـي.. قبـل يحضنـي منزالـك
...*
ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عذالـك*
...
يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك*
...
قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحالـك*
...
تعبت اهرب من الاشيا البسيطـه مـن تفاصيلـك
تعبت اسأل زوايا البيت.. عن اول واخر احوالـك*
...
وحتى الشوق من صبح الدرايش قام يهـدي لـك
عصافير الرضى ترفـرف علـى بيبـان مدخالـك*
...
هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك*
...*
انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك*
...
حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك*
...
تروح وقلت: احط روحي.. علـى كفـي واناديلـك
نزعت العمر مـن شفـت الغـلا بالـروح نادالـك*
...
بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك*
...
حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!*
...
تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك*
...
تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك*
...
وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك..!
.................... .............
إشتقت لك بالإمس واليوم مشتاق
وباكر إن شفتك يزيد إشتياقي
لجلك زاد الحب وزادت الإشواق
وزاد من بين الضلوع إحتراقي
الله جمع فيك الحلاوه والأخلاق
مثلك لو دورت ماني بلاقي
كل شي يهون إلا غيبتك عني
كيف أعتذر لقلبي وكيف أداري غلاك
في غيابك وش اللي تاخذه الناس مني
مادام قلبي والمشاعر معاك
مستحيل أتخيل الدنيا بلاك
*أنت لي* مادام لي قلب خفوق
جاك قلبي يالهوى مليان جاك
وأجتمع حبك ودمي في العروق
*
يضيق الكون في عيوني واشوفك في خيالي كون
يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر
أشتقت لك والغلا قرب يضيعني..
والخاطر اللي صبر مل وقضا صبره..
بأعلمك شي وأفهم دام تسمعني...
من واقع التجربه والوقت والخبره,,
لو الخلايق على حبك تنازعني...
يبطون ماحركوا فيني مغز أبره..
ماغيرك أحدن قوى قلبي وولعني..
وغلاك عندي وسط القلب ياكبره...
لو بأتكلم غزير الشوق قاطعني..
مكسور خاطر والمكسور وش جبره..
يخونني الوقت والغيبه تصارعني..
أكتب وحتى القلم خان ونشف حبره...
رجعتلك والغلاوالحب رجعني..
ياحي.. هالشوف والضحكه..وهالنبره...
غيرك من الناس لو حاول يطالعني...
أصد عنه ولا أشوفه ولاأعتبره...
*الاأنت*يالشاري اللي منت بايعني...
نظرة عيونك صفا لو ليلتي غبره...
وأن كان ودك لدرب الحب تدفعني..
قلبي يحبك ولا يحتاج تختبرررره