Thread Back Search


مختارات من رباعيات صلاح جاهين , اقوال و اشعار صلاح جاهين

  • Dreambox-Sat
    2013-12-25






  • مختارات من رباعيات صلاح جاهين , اقوال و اشعار صلاح جاهين

    مختارات من رباعيات صلاح جاهين , اقوال و اشعار صلاح جاهين

    مختارات من رباعيات صلاح جاهين

    يا عندليب ماتخافش من غنوتك
    قول شكوتك و احكي عن بلوتك
    الغنوة مش هتموتك إنما
    كتم الغنا هو اللي هيموتك
    !عجبي
    ================================================== ======================
    يا للي بتبحث عن إله تعبده
    بحث الغريق عن أي شيء ينجده
    الله جميل و عليم و رحمن رحيم
    إحمل صفاته ... و انت راح توجده
    !عجبي
    ================================================== ======================
    غمض عينيك و امشي بخفة و دلع
    الدنيا هي الشابة و انت الجدع
    تشوف رشاقة خطوتك تعبدك
    لكن انت لو بصيت لرجليك ... تقع
    !عجبي
    ================================================== ======================
    أوصيك يا ابني بالقمر و بالزهور
    أوصيك بليل القاهرة المسحور
    و إن جيت في بالك ... اشتري عقد فل
    لأي سمرا ... و قبري إوعك تزور
    !عجبي
    ================================================== ======================
    لو فيه سلام في الأرض و طمان و أمان
    لو كان مفيش و لا فقر و لا خوف و جبن
    لو يملك الإنسان مصير كل شيء
    أنا كنت أجيب للدنيا ميت ألف ابن
    !عجبي
    ================================================== ======================
    جالك أوان و عرفت مشي الجنايز
    كيف شفتها يا عبد رب اللذايذ
    قال: شفت شيل بالحيل فقير أو أمير
    كما شالوا في الحمامير فواضي القزايز
    !عجبي
    ================================================== ======================
    يا للي انت بيتك قش مفروش بريش
    تقوى عليه الريح. يصبح مفيش
    عجبي عليك حواليك مخالب كبار
    و ما لكش غير منقار و قادر تعيش
    !عجبي
    ================================================== ======================
    أيوب رماه البين بكل العلل
    سبع سنين مرضان و عنده شلل
    الصبر طيب ... صبر أيوب شفاه
    بس الأكاده مات بفعل الملل
    !عجبي
    ================================================== ======================
    يا حزين يا قمقم تحت بحر الضياع
    حزين أنا زيك و إيه مستطاع
    الحزن ما بقالهوش جلال يا جدع
    الحزن زي البرد ... زي الصداع
    !عجبي
    ================================================== ======================
    إقلع غماك يا تور و ارفض تلف
    إكسر تروس الساقية و اشتم و تف
    قال: بس خطوة كمان ... و خطوة كمان...
    يا أوصل نهاية السكة يا البير يجف
    !عجبي
    ================================================== ======================
    أنا كل يوم أسمع ... فلان عذبوه
    أسرح في بغداد و الجزاير و أتوه
    ما اعجبش م اللي يطيق بجسمه العذاب
    و أعجب م اللي يطيق يعذب أخوه
    !عجبي
    ================================================== ======================
    أنا قلبي كان شخشيخة أصبح جرس
    جلجلت بيه صحيوا الخدم و الحرس
    أنا المهرج ... قمتو ليه خفتو ليه
    لاف إيدي سيف و لا تحت مني فرس
    !عجبي
    ================================================== ======================
    حبيت...لكن حب من غير حنان
    وصاحبت لكن صُحبه مالهاش أمان
    رحت لحكيم واكتر لقيت بلوتي
    إن اللي جوّه القلب مش ع اللسان
    !عجبي
    ================================================== ======================
    إيش تطلبي يا نفس فوق كل ده
    حظك بيضحك وانتي متنكدة
    ردت قالت لي النفس: قول للبَشَر
    ما يبصوليش بعيون حزينة كده
    !عجبي
    ================================================== ======================
    الدنيا أوده كبيرة للانتظار
    فيها ابن آدم زيّه زي الحمار
    الهم واحد...والملل مشترك
    ومفيش حمار بيحاول الانتحار
    !عجبي
    ================================================== ======================
    بحر الحياه مليان بغرقى الحياه
    صَرَخت خش الموج في حلقي ملاه
    قارب نجاه!...صَرَخت قالوا مفيش
    غير بس هو الحب قارب نجاه
    !عجبي
    ================================================== ======================
    إنشد يا قلبي غنوتك للجمال
    وارقص في صدري من اليمين للشمال
    ماهوش بعيد تفضل لبكره سعيد
    ده كل يوم فيه ألف ألف احتمال
    !عجبي
    ================================================== ======================
    زحام وأبواق سيارات مزعجة
    إللي يطول له رصيف...يبقى نجا
    لو كنت جنبي يا حبيبي أنا
    مش كنت أشوف إن الحياة مبهجه؟
    !عجبي
    ================================================== ======================
    إيديا في جيوبي وقلبي طِرب
    سارح في غربة بس مش مِغترِب
    وحدي لكين وَنسان وماشي كده
    وبابتعد...ما اعرفش...أو باقترِب
    !عجبي
    ================================================== ======================
    فتحت شباكي لشمس الصباح
    ما دخلش منه غير عويل الرياح
    وفتحت قلبي عشان أبوح بالألم
    ما خرجش منه غير محبة وسماح
    !عجبي
    ================================================== ======================
    أنا الذي عمري اشتياق في اشتياق
    وقطر داخل في محطة فراق
    قصدت نبع السم وشربت سم
    من كتر شوقي وعشمي في الترياق
    !عجبي


    من مواضيعى فى المنتدى

    حظك اليوم برج الميزان 19-6-2012 | توقعات برج الميزان اليوم الثلاثاء 19 يونيو 2012

    مسجات عيد الفطر سعودية 1434

    صور كاريسما كابور 2014 , صور الممثلة الهندية كاريسما كابور 2014 Karisma Kapoor

    تحميل حفلة محمد منير فى جولف بورتو مارينا 2012 كاملة

    صور جديدة للفنانة نيكول سابا 2013 - احدث صور نيكول سابا 2013 - صور نيكول سابا على غلاف مجلة لها 2013

    حظك وتوقعات برجك مع ماغى فرح اليوم الاحد 8-2-2015

    السيرة الذاتية للأمير محمد بن سلمان بن عبد العزيز 1435

    صور تكريم أسرة مسلسل الخواجة عبدالقادر في المركز الكاثوليكي 2012


مواضيع متشابهة

صور مكتوب عليها اقوال صلاح جاهين , صور فيسبوك كلمات الشاعر صلاح جاهين

اجمل ما كتب صلاح جاهين , كلمات روعة للشاعر المصري صلاح جاهين

تحميل رباعيات صلاح جاهين بصوت سيد مكاوى , تنزيل رباعيات صلاح جاهين بصوت سيد مكاوى mp3

رباعيات صلاح جاهين , رباعيات صلاح جاهين كاملة مكتوبة ,Rba'yat Slah Jahyn

أجمل رباعيات صلاح جاهين , رباعيات صلاح جاهين كاملة


Powered by vBulletin® Copyright ©2000 - 2024, Jelsoft Enterprises Ltd.