بنعيش والوقت بيسرقنا
وبنمشي ونسرح في طريقنا
والايام اللي بتجمعنا
ممكن في ثواني تفرقنا
ساعات الدنيا بتلهينا
عن اغلى واقرب ناس لينا
وفي يوم عمرنا ما بنتمناه
نلاقيهم ما بقوش حوالينا
مبنحسش بقيمة الحاجة الا لما تروح
وكان في صوت بيصرخ فينا
واحنا مبنسمعش
ونندم علي ضاعوا وراحو
وقلبنا مجروح
يا ريت الوقت يرجع بينا
بس مبيرجعش
زمان كانوا هنا بينا وحوالينا
واللقى مسموح
ودلوقتي مهما بكينا
اللقى مينفعش
قرب من كل اللي حاببهم
شيل عنهم خوفهم وتعبهم
يمكن يسبوك هما الاول
او يمكن ان اللي تسيبهم
على قد ما تقدر فرحهم
بصلهم واحفظ ملامحهم
هيجيلك يوم فيه تتمنى
لو حتى في نومك تلمحهم
كلمات: أمير طعيمه | الحان: هشام جمال | توزيع: مادي | مكساج: محمد صقر