لايهم ولاينش
ليهش حبيبي ولينش
يعرف الحب ويطنش
شلون احرك احساسه
يهزلي بس براسه
طبعه حلو يم غيري
يضحك ضحك ويفرفش
صاير ثگيل براسي
يمكن يحبني وناسي
كلما أگله تحبني
يسكت ولايكلمني
ميخلي عينه بعيني
ولاينطق ولايرمش
مرات أبد ماكلمه
مايسأل وميهمه
نادم لأن حبيته
وگلبي يحب خليته
ماينعرف حيرني
أني أبني هوه يفلش
حتى كلام الحب طار
ميهمه حبي وميغار
مغرم انا وميت فيه
أهوه ولاشي يعنيه
عگلي ضرب ياسيدي
وصارت عيوني تغوش
ساكت عليه وصابر
كل خير مافيه صاير
مليت من هالعيشه
أمنسوالفه وتطنيشه
ماادري من ياطينه
بارد وگلبه مجرش
حاولت أغير أسلوبه
خلاني أگول التوبه
طبعه حلو ويعاند
ميغيره أكبر واحد
غلطان انا حبيته
حبه طلع غش بغش