ماعاش من وده خفوقي يذله
ياللي أنا وياك دوم إنتشابه
يا سائل عنا .. ترانا الأهله
منزالنا بالعالي كل درى به
هاماتنا ما تنحي إلا لله
وغيره أبد لا ما نحسب حسابه
بآخبرك شي وفي البال خله
مانخسر احنا ننخسر ذي الإجابه
إنشوم عن درب الردي ما ندله
وللحق وقوله عمرنا ما نهابه
واللي دخل بالقلب سماه خله
مرتاح يبقى فيه ودوم يهنى به
ومن راح عنا بظلم ما نلتفت له
ونمر عن دنياه مر السحابه
إنسوي المعروف أو ننسى محله
وما يوم فينا الود قد صك بابه
واللي يقدرنا ترانا نجله
يسكن وسط هالعين يا مرحبا به
تاج الفخر حنا يا عاذل نشله
متوارثينه لابة بعد لابه
مثل الشجر لو مات يتبقى ظله
أكبر دليل للعطا والصلابه
واللي بيطالعني نصيحه أقل له
بيتعب وهو يطالع شموخي رقابه