من زمان من صغر سنى
وانا منك وانتى منى
عمرى ما حاستغنى عنك
وعمرك ماحتستغنى
انتى املى وانت عرضى
انتى املى وحسن ظنى
اسمعينى اللى جاى وياكى احلى
انتى عندى يامصر اغلى
انا فى الشده اكون ايديك
انا فرحك فى يوم عيدك
كل يوم نحفر قناه وتعيشى انتى
ده الحياه اجمل حياه فى حضنك حبيبتى
والايادى الشقيانين دول عليكى حنينين
مصر انتى ف دمى امى انتى ساكنه فى الوريد
لو يموت شهيد عشانك يتولد مليون شهيد
مهما حاولوا يهدوا فيكى
مستحيل يقدر عليكى
انتى جيش شرطه وشعب
مهما حاولو يامصر صعب
وايد فى ايد يحيا الوطن
فوق المصاعب والمحن