اصحى يا نايم اصحى يا نايم وحِّد الدايم
مِسحّراتي من أهل بلدك جايلك يصحصح قلبك و بدنك
جوايا فكرة بتزق فكرة و أمل ينادي على شمس بكره
اصحى يا نايم وحِّد الدايم
ما بين صفوف تراويح واقف و ناس جنبي
واقف ما بين مجاريح و بداوي في قلبي
لا دمْعِنا بنملكه و آهاتنا مسموعة
إحساسنا مين يمسكه و النفس موجوعة
قرآنها بيهزّنا علشان يثبّتنا
تراويحنا رُوح رمضان في شارعنا و في بيتنا
اصحى يا نايم
وحّد الرزاق
رمضان كريم