كلب النظام فاكر بصوته، في يوم هيهزنا
واهم و فاكر انه يقدر ، يهد حلمنا
فاكر زمان صوتنا اللي كان ضدك في ثورة الميدان
حارب الظلام اسقط نظام و بصوتنا الحق رجعلنا
إعلام الدوله خاض حرب ضدنا
بالغش والخداع بيشوه حلمنا ….
واحد طرطور وقضايا زور بتحاول قتلنا … يا حكومة خافي مننا
أصل اللي غافل عن عنيك ،، ان احنا الهلاك ..
الحق بنحارب عليه ،، لو كان الموت هناك ..
الصف واحد والجنود ،، هتلبي الندا
صوتها يرجع حق شعب ،، ياما اتهان معاك
جيشنا سلاحه الحقيقة والكدب ليك سﻻح
مهما فسادك يدوم مش مكتوبلك نجاح
روح الأولتراس تقاوم للظلم مفيش سماح
سيف حقي ع الرقاب ونضالى ده شىء مباح
بكره الليالي تعود في قلب الكورفا سود..
وهتافنا للمظلوم للعدل احنا جنود ..
نحي ضمير الشعوب ونكون للحق صوت
، يا نعيش أحرار يا نموت
إحنا جيل الصمود
ومسيره ييجي اليوم من تاني نثور ع الفساد
دى الثوره ع الظالم حق المظلوم في البلاد
ولكل كلاب النظام لا هننسى مكوه وشهاب
ولا ننسى طه وعمرو حسين لسه ما خلصش الحساب