بالفيديو ملخص الجزء الثاني من حوار المشير السيسي على قناة الحياة 2014
-
بنت البلد
2014-05-20 -
بالفيديو ملخص الجزء الثاني من حوار المشير السيسي على قناة الحياة 2014
بثت 3 قنوات فضائية مصرية مساء الاثنين ، الجزء الثاني من حوار لوزير الدفاع المستقيل ومرشح الرئاسة في مصر عبد الفتاح السيسي .
وحاو السيسي الإعلاميين وائل الإبراشي، ولبنى عسل، وخالد صلاح.
وتاليا النص الكامل للحوار :
بدء الحوار، والسيسي يرحب بمحاوريه.
- خالد: حضرتك مركز في الوعي.
- السيسي: التعليم والمنشآت التعليمية والمادة التعليمية هو المستهدف، واللي هنديله في حداثة سنه، والمنشآت التعليمية بنتكلم عن 20 ألف مدرسة وعاوزن 500 مليار جنيه وعشان نعمل كثافة معقولة، وكده لن تقترب من المعلم وإنما تقترب من الإنسان والوجدان، والإنسان أقدر واحد فينا نراعيه.
- الإبراشي: هتعمله إيه؟
- السيسي: هنعمل له إيه، والتلعيم والصحة لهم دور ولازم ياخدوا اهتمام كبير، وده مش معناه إن بقية القطاعات لأ.. وعلى الأقل أقول له إن أنا شايفك وتحملني شوية والمصريين بيقولوا مشتكر.
- لبنى: إمتى يتحقق؟
- السيسي: تزودي قدرتك الاقتصادية، وعندنا موارد ومصروفات، والموارد هقول 60% يعني أكتر من 50% والباقي 60% من مصروفاتنا بتمول والـ40 التانيين مالهمش.
- وائل: مش لو خدت من الدعم.. والسيسي: يقاطعه: ده جزء من الحل ويخش في التعليم والصحة والعشوائيات ونرجع لتعليم عاوزين نعمل قفزة كبيرة، وبقول للإعلام أنا مش معاك إنك تهاجم التدريس والمعلمين، تصور المعلم بياخد كام.. الدروس الخصوصية ظاهرة وتراكمات كتيرة والمعلم مش طماع وجشع، وهل تتصور أن 1.4 مليون معلم بيدوا دروس خصوصية.. لا طبعا.
- لبنى: بس حمل على الأسرة؟
- خالد: لما أجي للمعلم وأقول له اصبر ونفس الحال للأطباء.. والسيسي يقاطعه: لا معلش بقول للكل إننا ماعندناش خيار تاني، وبكام ومنين؟
- خالد: ماعندكش وعود؟
- السيسي: سنة 2000 كان الدين 149 مليار جنيه.. ودياما بنتكلم بالمنطق ولما حد بيتكلم بـ100 يوم بنقول دي دول مستقرة وقواعد بيانات ولسه ماوصلنالوش، والبرامج التي تناقش بيبقى فيه حزب وماكز أبحاث، ولما بنقول هندي للناس فلوس بنقول وعد على حساب الوطن ينفع نقول كده.. لا.. لازم يكون قابل للتنفيذ.
- وائل: هيستحملوا قد إيه؟
- السيسي: قلنا نأمل في سنتين إن المصري يشعر بتغير ويبقى الانطلاق في 4 سنوات وجبنا عقول متنورة جبنا هاني عازر بتاع الأنفاق والنقراشي وفاروق الباز، وفريق كبير في كل حتة وهنقعد مع أي حد.
- لبنى: خدت كل الأفكار؟
- السيسي: قلنا الرؤية وهدفنا المصلحة.
- وائل: التعليم مش المشكلة دي فقط.. ده حفظ وتلقين، ولازم يبقى فيه منظومة متكاملة ومناهج تتمشى مع التطور؟
- السيسي: ركزت على المعلم والعناصر المادية سهل نتعامل معاها والمرتبطة بالإنسان عايزين نتعامل معها بفاعلية حقيقية.. وده مقدر جدًا فصبرًا.
- خالد: بس قضية التعليم ممكن الإنجاز فيها يكون مؤجل؟
- السيسي: إحنا بنتكلم في نقلة حقيقية، ولما أعمل 100 مدرسة وأخد أفضل عقول مصر ده تحرك، وجمعت من كل محافظات مصر في كل محاظفة مدرسة ولا اتنين من نجباء الوطن أنت كده بتعمل أمل وتحتضن العقول دي، ولما تيجي وتخلي وتهتم وتروح للمدرسة وتقول للمعلم متشكر، ولما تعمل مجالس إدارة فاهمة ومجالس آباء مقدر المعلم، وفيه إجراءات ممكن تقول للمعلم أنا متشكر.
فاصل دون تنويه لإذاعة أذان العشاء
- السيسي بعد الفاصل: لغاية لما نقدر نصل للوعد.
- وائل: شايف المعلم الأساس؟
- السيسي: المعلم هو الأساس والإنسان.
- لبنى تعرض تقريرًا مصورًا عن آراء المواطنين في السيسي.
- لبنى: التقرير من مؤيدي السيسي.
- السيسي: والله لو فيه حاجة هقدر أعملها لكم هعملها.. مش هخلي حاجة هقدر أعملها إلا لما أعملها.
- خالد: فيه وعي عام لديهم بهذا الأمر.
- السيسي: ما قلت ده وعي منهم.
- وائل يذيع تقرير مصور عن بقية آراء المواطنين في السيسي.
وائل بعد التقرير: تعبيرات الناس أنها على استعداد للتحمل وعند لحظة معينة الناس لا يمكن أن تتحمل.. هنعمل إيه؟
- السيسي: هنتحرك من أول يوم معاهم والأعباء المعيشية ماتزيدش، والسلع الأساسية ماتغلاش وعلى الأقل اظبط له الأسواق، واتكلمت عن الأوساق الموازية خلال 3 لـ4 شهور، وشغالين في الدولة المصرية كلها ولما المواطن يلاقي إنه هظبط له الأسعار هيصبر معايا وهيستحمل، وانا بخاطب وده والمصري أول ما بيشوف بلدوزر بيعمل حاجة، والحمدلله ويستنى 3 لـ4 شهور، ويلاقي الكلام ده بيتعمل في مدنيته وقريته.
- خالد: ما بتخف من الناس اللي نمتعلقين بك وإلى أي مدى تراع عبء.
- السيسي: عارف المصريين شعب عبقري وله حكاية بقى لها 7 آلاف سنة وتفاصيل كتيرة، وهي عبء إنساني ضخم ونفسي أكون على قدر المسؤولية.
- وائل: لحظة دخولك للقصر هذا القصر فيه رئيسان يحاكمان؟
- السيسي: العمل مؤسسي مش فردي، فريق عمل متكامل في المجالات المختلفة وكل المجلاات لازم يبقى فيه حد معانا.. فيه تشريعات تكون بتتحرك وتساهم في الموضوع وتحريك الموقف في مصر بشكل جيد وهنشتغل وأنا قلت لكم أنا متصور إننا هنبقى حاطين قوافل التنمية والتعمير.
- خالد: الشغل يبتدي من أول يوم.
- السيسي: من دلوقتي.
- خالد: فيه ناس بتقول إن الرئيس عبد الناصر مش مديله حقه ومن ناحية الدهاء تقترب من السادات.
- السيسي: التاريخ سيتوقف كثيرا أمام الدور اللي عمله السادات ويمكن أنت كنت صغير يا أستاذ خالد وماعشتش الحالة بتاعت 67 وهنحارب إمتى و67 نتوقف أمامه كثيرا جدا، والقرار كان في منتهى منتهى الصعوبة، وإنه يشن الحرب.
- لبنى: جيهان السادات قالت إن واخد دهاء السادات وذكاء عبد الناصر.
- السيسي: هي قامت بدور وطني ودي مجاملة لطيفة منها، والحرب كان فيها مصابين كتير، وهي قامت بدور كبير وكانت أم المصريين في الوقت ده، والمصريون بيروحوا المستشفيات كل يوم أحد، ورحت زرت المستشفيات، ومعاهم شيكولاتة.
- وائل: أن تجد قتلة السادات يحتفلون بأنصار أكتوبر؟
- السيسي: أكتوبر ده بتاعه (السادات) وكان يجب أن تدعى السيدة جيهان هي وأسرتهتا، والقرار بتاع السلام إحنا مش مقدرين حالة المنطقة عشان يجي رئيس دولة ياخد القرار.
- خالد: موافق على قرار السادات إنه أكتوبر آخر الحروب؟
- السيسي: هو كان حاطط سياق لحل مشكلة مصر وسوريا وفلسطين يبقى أسباب الحرب خلصت.
- وائل: لم تعلق على حضور قتلة السادات؟
- السيسي: هذا المشهد لا يستحق التعليق عليه، وآسف إني بقولك كده يا أستاذ وائل، وتقول إيه.
- لبنى: اتفاقية السلام.
- السيسي: أنا قلت إن النقطة اللي كانت محل قلق من جانب الناس في السلام واستقراره تحققت وتعالوا نكمل مبادرة عربية وتعالوا الخطوة اللي بعدها والنقطة دي اتهضمت من سنين ولو الأمر يستحق محتاجين نعدل اتفقاية السلام وبنتصدى، وهما بقى عندهم تصور، والغياب بتاع المنطقة بقى خطر عليه، وقلت لو محتاجين نعدلها هنعدلها وهما هيتفهموا ذلك، وأنا مدرك بقول إيه.
لبنى تخرج إلى فاصل.
عودة بعد الفاصل.. والسيسي يتحدث عن أزمة سد النهضة: لابد من وجود مساحة حوار هادف مع إثيوبيا.. وإحنا عندنا السد العالي، ولازم نتكلم عن الآثار الجانبية وعارفين أن السد في منطقة من الغابات والنباتات ولما المية تنزل هيبقى عامل إزاي.. وكل ما تتحركي بفاعلية أكتر مش هيبقى لهم فرصة.
- خالد: كان فيه خطاب شعبي متشدد ضد إثيوبيا.. وتعلي من شأن الحوار وقلت مسافة السكة فيما يخص أمن الخليج.
- السيسي: الخليج كلمة تقال في إطار الأمن العربي كله وعندما يتعرض لتهديد وتستدعي.. وإحنا مابنعتديش بندافع، وبتكلم في إطار استراتيجية متكاملة في العلاقات بيننا وبين بعضنا، وأنا مابوجهش رسائل لحد ومش عايزين نهدد حد ومش عاوزين حد يهددنا.
- خالد: تطوير اتفاقية الدفاع العربي.. ولبنى: جيش عربي؟
- السيسي: كل شئ ممكن.
- وائل: العائدون من أفغانستان عانينا منهم؟
- السيسي: فيه 7 لـ8 مليون لاجئ واللي عندهم 15 سنة ومابيتعلموش سواء كانوا فيتات أو فتيان وتعمل إيه في الشارع وحتى الأوروبيون 2000 أوروبي بيقاتلوا وكانوا متشددين في سوريا، ولو الحرب انتهت دون أن يصفى الموقف، وفيه كام ألف هناك، وأنا بقول ده خطر على السعودية والأردن وعلى أي حد تاني وقلت للأوروبيين إيه اللي بيحصل ده.
- خالد: ده عمد منهم للإضرار.
- السيسي: بفترض حسن النية.
- خالد: يا فندم.. والسيسي يكتفي بضحكة.
- لبنى: بنتكلم عن الصحة وحضرتك عارف المنظومة.
- السيسي: الدستور كائن حي بينمو بينضج مع تطور الدولة المصرية وقلت محتاجين في البرلمان تشرعيات كتير مرتبطة بالدستور ولازم كل اللي بيتكلم يبقى عنده خيال كبير لصالح الوطن، والدستور عاوز يضمن غنه فيه نصوص مستقرة توفر تأمين طبي وحقيقي، ولما نيجي نتكلم برجع للتصور الحقيقي مفيش فرصةص حقيقية إننا نتحرك بمنتهى القوى الفاعلية ونظبط التعليم والصحة، والنهارده بنتكلم في 90 مليون، وعندي تصور إن مشكلة المشاكل لو اتحلت الفلوس ومنيين وبكام، ومعانا فلو هنقدر نخش ع الصحة ونصلح ونطور، وبقى عندنا القدرة.
- خالد: حضرتك بتقول الفلوس ومصدر لنا الواقع بحذافيره. لكن أنا خايف عليك وعلى مصر وأنت عارف نجيب الفلوس منين لو سمحت قلنا.
- السيسي: جزء كبير من المصريين هيشتغلوا على ده وجزء من الأشقاء، وتعالى نستدعي المشكلة اليوناينة في الأزمة المالية، كان الرقم ضخم وأكتر من 120 مليار يورو، وادفع لها لأنه سقوط اليونان يؤثر عليهم وفي إطار المصلحة واتظبط الموقف في شهور قليلة، والنجاح يجيب نجاح.
- لبنى: فيه اتجاه لفرض ضرائب جديدة؟
- السيسي: كل ما يمكن عمله دون أن نسبب ضغط هنعمله، وفيه واقع وفيه ظروف، وماينفعش أقول.
- خالد: طمنا.. اللي يروح ينتخب السيسي هيعمل إيه يجيب اللمبة مثلا والفلوس إزاي قلنا؟
- السيسي: هنجيب وهنشتغل مع بعض.
- وائل: حضرتك عارف من الذي يساعدنا.
- السيسي: فيه كلمات لازم تتحسب وتتوزن بميزان من دهب لأن الناس بتسمع اللقاء برة وجوه.
- خالد: مطمئن؟
- السيسي: إن شاء الله.
- خالد: حضرتك مذاكر اليابان وألمانيا وصعودها.
- السيسي: إحنا بنتكلم عن دول ظروفها صعبة واستطاعوا يعبروا وشايفنهم دلوقتي، ويمكن تكون الصورة مش مريحانة واللي بنعمله عشان مصر تعلمه سواء بالفترة دي أو التفرة اللي بعدها.. واللي شفته في اليابان وألمانيا بتشوف النتيجة واستطاعوا أنهم يعبروا وأنا بستلهم الفكرة نفسها إنهم قدروا من خلال تقدير حجم المخاطر إنهم يعبروا فعلا وعاوزين نعمل كده.
- وائل: الإسكان أول توجيه من الله كان لآدم اسكن وأنت وزوجتك الجنة.. ما هي الأفكار التي ستنفذها على الفور لحل مشاكل الإسكان والعشوائيات؟
- السيسي: الدلو شغالة في ده من قبل كده ومحتاج ملايين، ورؤيتي في العشوائيات تحسين ما أمكن سواء بصرف أو كهرباء والطرق الموجودة عملوها في البرزايل دون إزالة العشوائيات وفيه مناطق عشوائية يمكن إزالتها، وفيه مناطق نحسن من كفائتها، واللي عايز يتزال لابد إننا نزيله ونبنيه.. وده معناه تقول مليون فرصة حقيقية والقطاع الاستثماري معني يقوم بده بشكل فيه الرفق بالمواطن ومايبقاش المستهدف هو الربح بس، ونخش في المحافظات ونعل زراعة وإسكان والمليون وحدة اللي وصلنا لها ده شغال ونخش غعلى المحافظات والمحافظة لها نصيب قد إيه، وهيكونوا فين من التنمية الزراعية وأنت عايز تعمل للمزارع فرصة الزراعة الحقيقة عشان تبقى ضامن إن المكان ده ينجح وده اللي عاوزين نتحرك فيه، ومش هقول زي المستعمرة وإنما كيان سكاني يشيل 3 آلاف أسرة وجواه 3 آلاف فدان وهتعمل 10 آلا فدان، والكيانات عبارة عن زراعة وصناعة وبتخدم على ده ومدرسة ومستشفى ونادي.
- وائل: مش هيكون فيه ناس بلا مأوى؟
- السيسي: زي سكان القمابر وأولادنا اللي الشوارع ده موضوع تاني خالص.
- وائل: هنروح لفاصل وحل هذه المشاكل الذهاب لصناديق الانتخابات حتى نبني وطنًا.
فاصل
عودة بعد الفاصل.
- لبنى ترحب بالسيسي وتسأله عن الزراعة.
- السيسي: قلنا البرنامج كله بيمتد على مساحة كل مصر، وعندنا 8 مليون فدان ممكن يكون حجم معتبر وممكن يكون 150 ألف فدان أو أكتر وعاوز أقول إنه ممكن السبب مفيش تخطيط لامتداد عمراني معتبر لأنه يساهم في الناس تخطط لها وتساهم، وده ماحصلش، وإحنا حاطين تصور إنه فيه مناطق وتنفيذ لا مركزي لها، ومش 100 ألف فدان مش 200 ألف فدان، يعني تقريبا 50% من مساحة أرضنا وده التحدي إنك أنت مش عاوز تزود فدان بالمعنى التقليدي وفدان ينتج فدان والمية تنتج فدان، وبقول في الآخر هضغط على نفسي لأنه هو بيشغل من 6 لـ7 بني آديمي وبينتج 8 فدادين، وجايب ناس من البحوث الزراعية عشان التكلفة عالية.
- لبنى: والتكلفة كتير؟
- السيسي: أنا ببص للعائد، وإحنا بنزرع على كامل أرضنا الخاضر والفاكة المختلفة، وكل ما نقلل ممكن نزرع الذرة والقمح والأرز، وعلى الأقل احتياجات المحافظة بالكامل من خضروات.
- خالد: ودي موجودة؟
- السيسي: ده من مصدرين وده من قريق فاروق الباز.
- لبنى وخالد في نفس واحد: فاروق الباز.
- السيسي: فاروق الباز وفريقه والكلام ده على واقع، وقبل ما أقول له يا أستاذ فاروق تعالي، أقول له إن الفدادين جاهزة، والدلو هتعمل يبقى هنعمل، ويبقى عنده فرصة زمن من 3 لـ5 سنوات وأنا ماعنديش ترف وده هيخلص، وأقول تعالى عملت الفدان والبنك يخش ويديله هامش ربح محدود وإنتاجية الفدان تحقق دخل حقيقي للمواطن.
- لبنى: هتبتدي بمناطق محددة؟
- السيسي: اتكلمنا على الظهير واتكلمنا مع شمائ سيناء على الظهير، فقلت لهم قلقانين من إيه مستعد أعمل لكل تجمع بدوي لـ100 أسرة ظهير، وبالمناسبة الفدان مش محتاج أرض زراعية ولا حاجة، ولكن بتنتج مواصفة جيدة لصالح المواطن المصري ولو عايز تصدر منها تصدر، لدرجة ممكن تطرح إنتاجك فيما يزرع بأراض أخرى.
- خالد: ده خلال السنتين وقيمته إيه؟
- السيسي: خلال سنتين وينتج 8 مليون فدان، وفيه فرق كبير لما نتكلم عن المواد المسرطنة والسماد، وشركات المساد تبيع بدعمه وطالما الموضوع موجود عندنا بيبقى فيه فرق سعر بين البرة واللي جوه، وسوق موازية، وبنشتغل على توفير السماد ويشتغل ونصلح البنك ده ونشوف الدور المطلوب له، ويبقى فيه ثمار ونعمل ده ونخش إحنا نعمل ده والصوب تعمل لي ده تحت إشراف علماء من وزارة الزراعة.
- خالد: لما بتقول الدولة هتعمل وبتقول أن رجل نتائج إلى أي مدى ومين هيعمل؟
- السيسي: مؤسسات الدولة موجودة تقدر تعمل.
- خالد: لوحدها؟
- السيسي: شركات قطاع خاص تساعد ويخش الجيش، ويتقال خدوا القدان ده وتسدد على مدى زمني مريح.
- خالد: يعني الدولة تنفذها كدولة وتطرح لهم على الناس لما يطلع مليون فدان بإنتاجية 8 مليون؟
- السيسي: صحيح.. والعالم بيتكلم عن الصوب عاوز أقفز بالتجارب، وعاوز أتكلم بالإنتاج الهائل والمتظبط وده بقى إنتاج مليون فدان وبعدين عملت لهم شبكة طرق جيدة، وعملتي أسطول، وفيه هدر لـ60% نتيجة أن التغليف غير جيد ودرجة الحرارة بتهدر والأيادي اللي بتتمد بتهدر وأنا ماضغتش على حد خالص، وماتكلمتش على القطاع الخاص في أي حاجة، وقفص الطماطم بياخدوا من الغيط 20 كيلو بعد 5 لـ6 نقلات بقوا 12 وعاوز حق الـ8، وعاوز أعمل له مبردات.
- وائل: اتهامات توجه أنك تعيد فلول النظام والخصم يستخدم تعبير أنا مرشح الثورتين.. بماذا تعلق؟
- السيسي: مين اللي عمل الحالة دي وليه بنختلف وليه مش مصدقين إن عملنا حاجة في المرتين مين عاوز يخرجها من مضمونها، ولازم تقف وتشتغلوا على دي والمصريين خرجوا دي ودي، والنقطة التانية إزاي الناس تتصور إنه يقدر يجب حد تاني غير المصريين اللي عايزينه وأنا ماعنديش حملة وأنا استدعيت لمهمة مش داخلترشيح، وأنا استدعيت لمهمة والنقطة دي تبقى واضحة.
- خالد: مابتحبش كلمة المرشح؟
- السيسي: أبدًا.. أنا فيه مصريين ندهوا عليا وأان سمعتهم وكان فيه خطر، وبغض النظر عن النتئاج، النتائج سيحسمها المصريون، وسيبوا الناس تختار، وأنت بتحترم الديمقراطية بجد، واللي حصل في 30 يونيو جزء من التجربة، ليه بنخش كده في اللي حصل في 25 يناير.
- خالد: يمكن ده كلام حمد؟
- السيسي: الوعي المصري غير مسبوق وشوف نتيجة الانتخابات وشوف الناس في 26 يوليو وينزلوا ويدوني توفيض وده في وعي وإدراك للمخاطر.
- وائل: هل اللي بيتكلموا في الحملة ليسوا مكلفين بهذا الشكل؟
- السيسي: أنا قلت حملة غير تقليدية.
- خالد: بس ده خطر وناس بتغسل سعتها من خلالك.
- السيسي: ده صحيح.
- خالد: فعلا لما الناس تلاقي ناس في محافاظات بتنتسب للسيسي بايخد منك يا فندم؟
- السيسي: ليس من قيمي الذي لا يليق أنه يتصدى باسمي، ولازم تكونوا يا مصريين تدركوا أن الراجل ده بيحافظ على القيم والمبادئ ومش مستعد يتخلى عنها.
- وائل: بياخدوا منك حاجة؟
- السيسي ضاحكًا: ماحدش هياخد حاجة اللي هيجي هيدفع.
- وائل: الاضطهاد بيقولوا عليك ضد الأغنياء.
- السيسي: اضطهاد ليه يعني، الكل سواء من الفقراء والأغنياء.
لبنى تخرج إلى فاصل.
عودة بعد الفاصل
خالد: أهلا بحضراتكم نواصل الحوار مع المشير السيسي.. يتكتم على تفاصيل برنامجه.. والحقيقة أشعر أن المشير يفكر بصلاحيات رئيس جمهورية قبل دستور 2014.. يعني أمامك تعقيدات.
- السيسي: دي دولة ومسائل تحل حتى لو لها علاقة بتعقيدات، ووخلينا نتكلم إننا ممكن نعمل تفاهم، وتعالى نتكلم الخريطة وبتعمل إيه، الخريطة بتقول إنه فرصة حقيقية لكل الناس، وبأقل حاجة ممكن يعمل شغل، ومش هتعمل سياحة هنا، وفكرنا هنا مش قرية بس، هنعمل قرى ومحلات وكافتيريات ومطاعم، وسياحة، وبنتلكم والخريطة قدامنا، وبنتكلم أن الأراضي جاهزة والتعدين نفس الكلام، وكل ده فرص عمل مش على قد مصنع وبتخدم على وبتساهم وبيبقى فيه عائد وبنتكلم عن الزراعة بكل ما تعنيه، وفيه الزراعة.
- خالد: هل ده يحتاج تشريعات؟
- السيسي: ما يلزم من ده هنعمله.. هو أنا لسه هستنى برلمان، وماتتغربوش من الكلمة دي هي إجابة ومستكتر ليه على نفسك إنك تعمل كده والناس تقف جنبك.
- وائل: اتعودنا صدام السلطات.
- السيسي: ده مش كويس.
- خالد: اتقال إنه يكون وراه حزب وحضرتك مش محبز الفكرة.
- السيسي: أنا قلت دوركم خطير والإعلام يشتغل وبالحوار.
- خالد: إعلام تعبوي يحرض؟
- السيسي: يكون إعلام داعم ولازم نسيج المجمتع المصري يكون أقوى مما كان.
- وائل: عاوز تطبق دولة القانون مش هيطلع حد يقول ابن فلان.. هتعمل دولة قانون تطبق على الجميع؟
- السيسي: هنعمل دولة قانون، واللي يقول مش هطلع رخصة ده ثقافة ووعي، وتقول أنا فلان ليه، ما ترد، والكلام ده على أي حد، وقلت أن أتصور وبحب بلدي بجد، وبشوف ضابط شرطة وأجي أفتح الشنطة وشوف أنا زميلك فلان عشان المصريين يشوفوا المصلحة ووكيل النيابة يعمل كده، ليه ماتعملش كده، وتنتقلي من حالة ماشيين بيها لحالة توصلي لها، وممكن الإعلانات تعمل كده ولقطة تعمليها واحترامنا للمرور.
- لبنى: حاطط مسؤولية كبيرة على الإعلام؟
- السيسي: أه بتشكلي الوعي.. والتعليم والمجسد والكنيسة جزء من الموضوع لكن الإعلام الجزء الأكبر.
- خالد: شايف سيفه معك؟
- السيسي: طالما بنلتقي يبقى سيفنا على الجميع.
- لبنى: بس هيبقى فيه انتقاد؟
- السيسي: فيه فرق بين النقد والتجريح.
- خالد: إيه الفرق بين معايير النقد والتجريح.. لو اترسح كاريكاتير زي الأساذتة أحمد رجب ومصطفى حسين هتقبلوا؟
- السيسي: هترك ده لمواطن الإعلامي والمفكر وهقول له المواطن المصري هيشوف ما تفعله وأقول له انتبه.
- وائل: أحداث الجمهوري.. الإخوان يقولون إن الجيش قتل المصلين ويخاطبون الخارج بالمفاهيم المغلوطة؟
- السيسي: إحنا طلعنا بيان.. حد اتلمس رحنا عند حد، مين اللي جه؟.. يبقى أنت جاي تعمل مشكلة وتصعد، والبيان طلع، ومفيش إساءة لفظية، وداخلين على قصر وشيلناه لا لا.. مين اللي عمل الحالة دي، قدام الحرس الجمهوري كان جواه كل القيم المحترمة الرئيس السابق وكل معاونيه.
- وائل: الهدف تحرير الرئيس.
- السيسي: دي تبقى مصيبة كبيرة، ويم 26 يوليو فضل المشسلمين والمسيحيين في الشارع، مين اللي نكد علينا 5 الصبح، وخلى العالم يصحى.. مين، عشان كده النهضة ورابعة كانت بؤرة لتصدير الخطر والقتل والمظلومية.
- لبنى: فيه اللي بيقول إنه تأخر القرار وفيه بيقول مجزرة؟
- السيسي: ماتنسيش إنه في شهر رضمان إنك تراعي وتدي فرصة لاستيعاب الناس لأنه مش هينفع الموضوع تمشي بالطريقة دي، ودخلت تقول التصعيد وقتل الناس، وفيها لو كنت جيت قبل 30 يونيو وقلت أعمل استفتاء على استقراري، و3 يوليو كان ممكن تقول مستعدين نقبل بده ونخش في صياغة الدستور وتعديلاته، ولو عندك قواعدك الشعبية تتيح لك كده ماقبلتش ده ليه وتقبل خيار الصدام والعنف، وعايزين نناقش منظر تاني.
- خالد: هل أنت نادم إن البرادعي كان شريكا في السلطة؟
- السيسي: كل واحد بيتصرف طبقا لثوابته والأمن القومي وقدرته على الثبات.
- وائل: يبدو أن هناك من لا يثبتون جيدا.
- السيسي: يقف التاريخ ليسجل والناس تراقب بمنتهى الوعي.
- وائل: كان من خططهم تعيين وزير دفاع مدني.
- السيسي: أه.. بس هما مش مدركين إنه ده ينفع.. وفي دول ديمقراطية يأتون بعسكريين.
- خالد: كيف ترى علاقتنا مع الولايات المتحدة حال انتخابك؟
- السيسي: نحن أتحنا للعالم كله الوقت والفرصة في إطار المتاح لدينا، لأنه المتاح لدينا إعلاميا كان محدود ليستوعبوا ما يحدث في مصر، واللي بيحدث في الانتخابات إشارة و26 يوليو إشارة، ودي إشارة أمة.
- خالد: مين فاهمنا أكتر في أمريكا؟
- السيسي: وزارة الدفاع.. وانا بتعامل مع أمريكا واحدة وروسيا واحدة.
- لبنى: بس هما عايزين الإخوان في المشهد.. هتتعامل مع الضغط الدولي إزاي؟
- السيسي: يجوا يقنعوا المصريين مش الرأي العام اللي بيقود وإرادة الناس عاملة إزاي، وأهم أسباب استدعائي هو قلق المصريين على المستقبل، وهما خلوا الناس تستدعي هذه الشخصية.
- وائل: لازم ننوع.. في عيد الفن شاهدتك متأثرا ويبدو أنك صممت على الحضور.. كيف تعاملت مع هذه اللحظة؟.
- السيسي: صحيح.. ده الزمن الجميل وبنشوف الأستاذة فاتن حمامة والفنانة ماجدة وشكل مصر كان عامل إزاي وقد إيه الناس بتحب بعضها مش عايزني أتأثر.
- وائل: الإخاون هياخدونا على فين؟
- السيسي: خلينا نقول هنروح على فين.
- لبنى: هتتعامل مع السلفيين إزاي؟
- السيسي: أي حد وأي دين مسلم مسيحي يبقى له معتقداته وحاجاته المتحرتمة ولا يفرض هذا المعتقد ولا يتعامل مع الآخرين في أن يدينه وأنت شايف كده المجتمع يساعك بشرط ألا تصطدم مع المجتمع وماتقولش إن ده هو الصح، وأقول إنه فيه مكان للمسلم والمسيحي بمختلف توجهاته.
- لبنى: طب أحزاب على أساس ديني؟
- السيسي: الدستور خلصها.
- خالد: بس الأفكار موجودة في كتب إسلامية معاصرة ويلاقي بلاوي.. هل عندنا معركة مع هذه الكتب؟
- السيسي: أنا أعتقد أن الحالة الدينية اللي إحنا فيه بنستدعي الأزهر معني بده والكنيسة مؤسسة دين معنية بده والموضوع ده مش هيخلص في ويم وليلة ومحتاج وقت كتير.
- خالد يسأل عن أعضاء حزب النور
- السيسي: هما مدركين، واتجاههم الحب للوطن، وقلت كل 10 أحزاب يعملوا مركز دراسات استراتيجي، وقلت لهم الكلام ده من 3 سنين.
- خالد: أنت أول واحد مرشح يتكلم في الخطاب الديني.
- السيسي: المصلحة الدينية يتعمل حوار حقيقي، ومش بنتكلم في صدام خالص، وبنتكلم في تصور شامل.
- خالد: إزاي تعمل خطاب ديني أحادي التوجه؟
- السيسي: المرحلة اللي إحنا فيه مش محل خلاف، وسيبوا مؤسسات الدولة تشتغل.
- خالد: وفيها الأزهر والأوقاف؟
- السيسي: طبعًا.
- وائل: فضلت عدم اللجوء للطعن ضد خصمك؟
- السيسي: صحيح، وعاوزين يبقى عندنا صدر متسع ونتجاوز لبعض، ومش نقف ع الواحدة، وبنتكلم في معايير واعتبارات وقيم عاوز ترسيها، وعاوزين نحب بعض بجد، وأطول بالي عليك شوية أطول بالي مش ضعف.
- وائل: بتعمل منافسة انتخابية؟
- السيسي: تاني انتخابية
فاصل بعد دخول وائل ولبنى وخالد في نوبة من الضحك
عودة بعد الفاصل وسؤال من وائل حول مشكلات الأقباط
- السيسي: كل الدين عند صاحبه غالي.. والمصلحة الدينية تتطلب الحوار والمناقشة، وعايز أقول إن ده مش هتقدر تحققه في يوم وليلة، ولما تتكلم كده والناس يوم 26 يوليو والكنيسة بتضرب الجرس، ده فيه حاجة حصلت، ورجعنا زي ماكنا ولازم نكون أكتر مما كنا، وعاوزين نحب بعض.. وأنا قلت خلينا نشكل ونتحرك في إطار بنتعامل مع بعض كبشر كإنسان كمصري، وفيه جاجات محتاجة حوار ونقاش ووقت ومفيش حاجة هتتحل، ومش معقول ده هيخل من مستوى جيد في وقت واحد، وأنا بحترم أديان الآخرين، وعاوز الناس تحترم أديان الآخرين وماتكونش في الخلفية ده دينه إيه، وده يترجم إزاي لواقع نعمله ونطوره لولادنا.
- خالد: لكن مفاهيم الموطانة إلا أنها تبدد المشكلات من تطبيق قانون دور العبادة والمناصب القيادية بالدولة بالقوات المسلحة؟
- السيسي: القوات المسلحة مالها استعدوا نسب قبول القوات المسلحة للطلاب في المحافظات للطلاب المسييحين.
- لبنى: لكن ممكن زرع فتنة؟
- السيسي: الفتنة مش هتنتهي.
- وائل: بس تدخلتم بعد فض الاعتصام لبناء عدد من الكنائس.
- السيسي: مش هتكلم في عدد من الكنائس وهقول رد الفعل المسيحي التاريخ سيقف قدامه كتير لأنه ماكانش فيه أي ردفعل ولم يتسطع أحد في الداخل أو الخارج يلعب على الوتر ده.
- لبنى: فيه إزالة وإنشاءات جديدة.
- السيسي: فيه حساب اتعمل لصالح دور العبادة، وعاوزين تبقى المسألة مقننة والقوانين منتظرنها.
- لبنى: الزوجة والأم موجودة في كل المناسبات
- السيسي: هي استدعت نفسها وشفتها نازلة وواخدة الكل والشرب وولادها وده مصر مش هتنساه، والله مش عاوز أقول كلام فضفاض لكن ثقي إن بكل التقدير والاحترام والمحبة لها كنصف المجتمع أو المجتمع كله لأنها في البيت الزوجة والأم.
- وائل: فيه قوانين لوظائف لا تعمل بها والصحة الإنجاية ويجب أن تكون هناك خطوات عاجلة تنصف المرأة.
- السيسي: تعرف أنها ماطلبتش حاجة حتى المطلب ده (الأمن) بتقول خلي بالك للدولة.
- خالد: حضرنا مع حضرتك أنك بتتنبأ بحكم ثورة يناير وحكم الإخوان وسقوطها، فكيف ترى المشهد؟
- السيسي ضاحكًا: سؤال صعب أوي وفي التقدير ده مرتبط بثقتي بربنا سبحانه وتعالي مش بس بالمعايير البشرية وبقول المصريين بقالهم سنين بيعانوا، ومتصور أن السماء ابتدى يصعب عليها المصريين ولو شاء ربنا أكون في الموقع هيكون أمر له العجب هيشوفوا له العجب، وربنا بيقول في حديث قدسي وعزتي وجلالي لأرزقن من لا حيلة له حتى يتعجبوا أصحاب الحيلة.. الغاريت يعني.. وصلت.
- وائل: هل يمكن استخدام صلاحياتك في العفو عن بعض النشطاء المحبوسين هل يمكن أن تبدأ صفحة جديدة؟
- السيسي: أي أمر يساهم في الاستقرار والسلام الاجتماعي هعمله، ولغاية امبارح لقيت ناس بتعمل إجراءات صعبة، والشعب مش هيتحرك عكس الاتجاه، وفيه قرارات محتاجين نعملها، لكن كمان هو عمل إيه للمصريين عشان المصريين ينسوا مش هقول يسامحوا.
- وائل: بس أنا مابتكلمش على الإخوان.
- السيسي: أنا واحد بالي.
- لبنى: ملف العدالة الانتقالية؟
- السيسي: اتعمل تقارير كتير ولازم نتعامل بشء من سعة الصدر، والعدالة الانتقالية طرحت في دول كان الواقع هناك غير الواقع بتاعنا ومنهج ضد ناس، وناس قتلت وناس سجنت، والواقع اللي هنا فيه ممارسة.. ولما بقول إن بسعة صدر وشئ من السماحة وبترضية وأي شكل من أشكال الترضية اللي تخلي أهالي الضحايا مرضيين نعملها، ونقفلها
- لبنى: وحق الشهداء والمصابين؟
- السيسي: هنحاول نطويها.
- لبنى: الرؤساء وراء القضبان؟
- السيسي ضاحكًا: حكاتكم إيه مع الموضوع ده، وأنا القفص الأخطر للمصريين وده أخطر من الحبس.
- السيسي يتحدث عن حماس والفلسطنيين: القضية كبيرة.
- وائل: شايف تصريحات حماس تبدلت بعد لهجة حضرتك.. هل يمكن أن تأخذون من ذلك بداية أم حماس ستظل جزء من التنظيم الدلوي للإخوان؟
- السيسي: هنشوف الأقوال ولا الأفعال.
- لبنى: وحزب الله؟
- السيسي يدخل في فترة صمت لثوان ويقول: محتاجين أفعال بجد.
- لبنى: حضرتك سياستك إيه؟
- السيسي: مادين إيدنا لكل الناس.. ونشتغل مع كل الناس وفكرة التصادم مش بنفكر فيها أبدًا.
- وائل: تقديس الأشخاص.. بعض من يحبون يدخلونه في دائرة الحصانة والحب الذي يصل إلى العصمة.
- السيسي: لا العصمة مش للبشر والمصريين ماحدش يقدر يضحك عليهم والموضوع ماشي لصالح الوطن ولو حصل تغيير هيصبروا عليا لكن مش كتير.
- لبنى: تقلو لهم إيه يا فندم؟
- السيسي: والله أنتم ما تعرفوا مشغول بيكم إزاي وعليكم إزاي أنتم وأبنائكم ونفسي أجيب حتة من السماء لكم وربنا يعييني على ذلك يا مصريين.. يا رب.
- وائل: نتوجه لحضرتك بالشكر.. ولبنى تشارك وخالد يدعو مع زميله وائل إلى ضرورة المشاركة في الرئاسة.. وبعدها خالد يضيف: هذا الشخص هيقول بسم الله الرحمن الرحيم ويشتغل، ولبنى تكمل: نراهن على الست المصرية وبإذن الله بكرة أحلى
- السيسي: شكرًَا لحضراتكم.
شاهدو الفيديو :
بوستات ومنشورات عن الحرية مكتوبة 2015/2016
صور أزياء وفساتين زهير مراد Pre Fall 2015
الأسباب الحقيقية وراء توقف بث قناة العرب الاخبارية 2015
صور إريك ابن النجم العالمي سايمون كاول
صور محمد صلاح في لعبة فيفا 2015 الإصدار الجديد
صور فساتين زفاف لامعة وع الموضة 2020
من هو حكم مباراة السعودية وقطر في نهائي خليجي 22
تحميل نغمات البوم احسن حالاتي مروة نصر 2015 Mp3 كامل
- « بالفيديو عمرو أديب يرقص على اغنية بشرة خير 2014 | بالفيديو ظهور شبح في مباراة بايرن ميونخ ودورتموند في نهائي كأس المانيا 2014 »
Powered by vBulletin® Copyright ©2000 - 2024, Jelsoft Enterprises Ltd.
