Thread Back Search


أجمل رباعيات صلاح جاهين , رباعيات صلاح جاهين كاملة

  • Dreambox-Sat
    2013-12-25






  • أجمل رباعيات صلاح جاهين , رباعيات صلاح جاهين كاملة

    أجمل رباعيات صلاح جاهين , رباعيات صلاح جاهين كاملة
    رباعيات صلاح جاهين ,أجمل رباعيات صلاح جاهين ,Salah quartets Jaheen

    مع إن كل الخلق من أصل طين
    وكلهم بينزلوا مغمضين
    بعد الدقايق والشهور والسنين
    تلاقى ناس أشرار وناس طيبين
    عجبى !!


    عجبى عليك .. عجبى عليك يا زمن
    يا بو البدع يا مبكى عين دماً
    إزاى أنا أختار لروحى طريق
    وأنا اللى داخل فى الحياة مرغماً
    عجبى !!


    مرغم عليك يا صبح مغصوب يا ليل
    لا دخلتها برجليا ولا كان لى ميل
    شايلنى شيل دخلت أنا الحياة
    وبكره ح أخرج منها شايلنى شيل
    عجبى !!


    سنوات وفايته عليا فوج بعد فوج
    واحدة خدتنى إبن والتانية زوج
    والتالتة أب خدتنى والرابعة إيه
    إيه يعمل اللى بيحدفه موج لموج ؟
    عجبى !!


    وأنا فى الضلام .. من غير شعاع يهتكه
    أقف مكانى بخوف ولا أتركه
    ولما ييجى النور واشوف الدروب
    أحتار زيادة .. أيهم أسلكه ؟
    عجبى !!


    نظرت فى الملكوت كتير وانشغلت
    وبكل كلمة (ليه ؟) و(عشانيه) سألت
    اسأل سؤال .. الرد يرجع سؤال
    واخرج وحيرتى أشد مما دخلت
    عجبى !!


    خرج ابن آدم م العدم قلت : ياه
    رجع ابن آدم للعدم قلت : ياه
    تراب بيحيا .. وحى بيصير تراب
    الأصل هو الموت والا الحياة ؟
    عجبى !!


    ضريح رخام فيه السعيد اندفن
    وحفره فيها شريد من غير كفن
    مريت عليهم .. قلت يا للعجب
    لاتنين ريحتهم فيها نفس العفن
    عجبى !!


    ياما صادفت صحاب وما صحبتهمش
    وكاسات خمور وشراب وما شربتهمش
    أندم على الفرص اللى انا سبتهم
    والا على الفرص اللى ما سبتهمش
    عجبى !!


    والكون ده كيف موجود من غير حدود
    وفيه عقارب ليه وتعابين ودود
    عالم مجرب فات وقال سلامات
    ده ياما فيه سؤالات من غير ردود
    عجبى !!


    غدر الزمان يا قلبى مالهوش أمان
    وحاييجى يوم تحتاج لحبة إيمان
    قلبى ارتجف وسألنى .. أأمن بإيه ؟
    أأمن بإيه محتار بقالى زمن
    عجبى !!


    يا باب أيا مقفول .. إمتى الدخول
    صبرت ياما واللى يصبر ينول
    دقيت سنين .. والرد يرجع لى : مين ؟
    لو كنت عارف مين أنا .. كنت أقول
    عجبى !!


    أنا شاب لكن عمرى ولا ألف عام
    وحيد ولكن بين ضلوعى زحام
    خايف ولكن خوفى منى أنا
    أخرس ولكن قلبى مليان كلام
    عجبى !!


    أحب اعيش ولو أعيش فى الغابات
    أصحى كما ولدتنى أمى وابات
    طائر .. حُوان .. حشرة .. بشر .. بس اعيش
    محلا الحياة .. حتى فى هيئة نبات
    عجبى !!


    سهير ليالى وياما لفيت وطفت
    وف ليلة راجع فى الضلام قمت شفت
    الخوف .. كأنه كلب سد الطريق
    وكنت عاوز أقتله .. بس خفت
    عجبى !!


    كان فيه زمان سحليه طول فرسخين
    كهفين عيونها وخشمها بربخين
    ماتت .. لكن الرعب لم عمره مات
    مع إنه فات بدل التاريخ تاريخين
    عجبى !!


    عجبتنى كلمة من كلام الورق
    النور شرق من بين حروفها وبرق
    حبيت أشيلها فى قلبى .. قالت حرام
    ده انا كل قلب دخلت فيه اتحرق
    عجبى !!


    رقبة قزازه وقلبى فيها انحشر
    شربت كاس واتنين وخامس عشر
    صاحبت ناس م الخمرة ترجع وحوش
    وصاحبت ناس م الخمرة ترجع بشر
    عجبى !!


    كل اللى فى الخمارة صابهم جنون
    صبحوا الرجال يتبادلوا كاس المنون
    وبدم ونبيت انكتب ع الجدار
    " يا ميت ندامة ع اللى قلبه حنون "
    عجبى !!


    قالوا الشقيق بيمص دم الشقيق
    والناس ما هياش ناس بحق وحقيق
    قلبى رميته وجبت غيره حجر
    داب الحجر .. ورجعت قلبى رقيق
    عجبى !!


    يوم قلت آه .. سمعونى قالوا فسد
    ده كان جدع قلبه حديد واتحسد
    رديت على اللايمين أنا وقلت .. آه
    لو تعرفوا معنى زئير الأسد
    عجبى !!


    بين موت وموت .. بين النيران والنيران
    ع الحبل ماشيين الشجاع والجبان
    عجبى علادى حياة .. ويا للعجب
    إزاى أنا ـ يا تخين ـ بقيت بهلوان
    عجبى !!


    أنا قلبى كان شخشيخة أصبح جرس
    جلجلت به صحيوا الخدم والحرس
    أنا المهرج .. قمتو ليه خفتو ليه
    لاف إيدى سيف ولا تحت منى فرس
    عجبى !!


    دخل الربيع يضحك لقانى حزين
    نده الربيع على إسمى لم قلت مين
    حط الربيع أزهاره جنبى وراح
    وإيش تعمل الأزهار للميتين
    عجبى !!


    من مواضيعى فى المنتدى

    حالة الطقس ودرجات الحرارة في مصر اليوم الاربعاء 9/4/2014

    موعد بدء العام الدراسي للجامعات في مصر 2013

    رمزيات عيد الفطر للماسنجر 2013 , صور مسن لعيد الفطر 1433, رمزيات جديدة لعيد الفطر 1433

    كاريكاتير الزواج في 2013 , كاريكاتير زواج الفيس بوك

    وظائف جريدة الخليج الامارات اليوم الثلاثاء 18-2-2014

    صور سامسونج جالكسي اس 4 ميني الزهرة 2014 , سعر سامسونج جالكسي اس 4 ميني

    تردد فيد بين سبورت 2020 على قمر Eutelsat 3.1

    بالصور أغرب عادات الزواج في إسكتلندا


مواضيع متشابهة

صور مكتوب عليها اقوال صلاح جاهين , صور فيسبوك كلمات الشاعر صلاح جاهين

مختارات من رباعيات صلاح جاهين , اقوال و اشعار صلاح جاهين

تحميل رباعيات صلاح جاهين بصوت سيد مكاوى , تنزيل رباعيات صلاح جاهين بصوت سيد مكاوى mp3

رباعيات صلاح جاهين , رباعيات صلاح جاهين كاملة مكتوبة ,Rba'yat Slah Jahyn

السيرة الذاتية للشاعر والممثل المصري صلاح جاهين , من هو صلاح جاهين


Powered by vBulletin® Copyright ©2000 - 2024, Jelsoft Enterprises Ltd.