يسقط يسقط حكم العسكر
كلمات أغنية منطقة
عسكرية ,
كلمات منطقة عسكرية
منطقة عسكرية جوه اللعبة السياسية
خط أخضر من حقى الإقتراب أو التصوير
انا ضد المشير مبارك و التحرير
كان جس نبض كان بالونة اختبار
بعدين نسمع عن محاكمة من نشرة الأخبار
رد فعل النائب العام كان بيهدى الرأى العام
وفيه فرق كبير بين السلطة و النظام
لم يسقط النظام ناخد حقوقنا باعتصام
نقطة ومن أول السطر اتحرقنا فى القطر
ادفنا فى الدويقة غرقنا مع السلام
وفى القفص تعظيم سلام حط علامة استفهام
انا مش هنسى مع الايام دى السلطة فى ايد النظام
ثورة شباب الجيل أنا بحترم 6 ابريل
كلام حسن الروينى واتهام من غير دليل
فتحوا سجن حربى قالوا شباب بفكر صربى
دى ثورة رجالة واتهموهم بالعمالة
ثورة بدأها الشباب أيدها الشعب مش انقلاب
مش هنرجع تانى نحط راسنا فى التراب
انا مش هسكت هقول مين بيساعد الفلول
انا مش هسكت هقول المجلس مسؤول
قول يا مصرى قول ماتخفشى حكم العسكر لازم يمشى
مش هنسكت مش هنطاطى احنا كرهنا الصوت الواطى
قلمى مش بيخاف مع انه مجرد قلم جاف
مش آلى تكبر عيالى بابا جاوب سؤالى
هوا ليه المجلس الأعلى كان يستنى الصوت يعلى
هما ليه ضيعوا الحق بعد مصر ما قالت لأ
هوا المشير كان عنده فلوس كتير
كان خط دفاع أخير للراجل الكبير
اسألوا السادة اللواءات عن اللى جى واللى فات
عن حق اللى مات مش هنبطل سكات
عن حق اللى عايش فى الضلمة عشان احنا نشوف النور
بعد ما اتفرقنا انتخابات ولا دستور
شوف فيديو الروينى 5 فبراير فى التحرير
يسقط المشير انا مش حاسس بالتغيير
اسأل شاهين امته الطوارئ تترفع
تفتكروا اتسمع .. "بالرقابة هتمنع"
كانت فين الرقابة لما العصابة سرقوا الغلابة
هى فين الرقابة يسقط مبارك عالدبابة
قول يا مصرى قول ماتخفشى حكم العسكر لازم يمشى
مش هنسكت مش هنطاطى احنا كرهنا الصوت الواطى
كلمات أغنية منطقة عسكرية , كلمات منطقة عسكرية