تناديك رغبات المقابيل من الأرض وانتي بالمجرة
تهادي على غصن من الليل وتمادي على القلب ومقره
***************
ترى كل هالدنيا تساهيل مادام إننا بنعيش مرة
تلدين وتزين التعاليل تصدين وتصد المسره
***************
وأناديك ودموعي هماليل وفي الصدر تنهيده و حره
أحبك وما للحب تأويل ولا شفت منك إلا المضرة
***************
وأناديك ودموعي هماليل وفي الصدر تنهيده و حره
أحبك وما للحب تأويل ولا شفت منك إلا المضره
***************
تناديك رغبات المقابيل من الأرض وانتي بالمجرة
تهادي على غصن من الليل وتمادي على القلب ومقره
***************
وتموني يا ريم المكاحيل على القلب في خيره وشره
إذا جيتي أستاهلك بالحيل وإذا كان ما تبغين حره
***************
فديت الوسيعات المظاليل رماح الهلاك المستشره
وخطواتك اللي بالخلاخيل لها في الصدر والقلب جره
***************
وسواليفك بكل التفاصيل وصوتك بها لله دره
أبي منك ما ينهد لي حيل على شي ما يسوى المبره
***************
وسواليفك بكل التفاصيل وصوتك بها لله دره
أبي منك ما ينهد لي حيل على شي ما يسوى المضره
***************
تناديك رغبات المقابيل من الأرض وانتي بالمجرة
تهادي على غصن من الليل وتمادي على القلب ومقره
***************
وأبي صادقات التهاليل إذا جيت أبشكي وأتشره
من الحظ وأشباه الرجاجيل وعثرات وقتي المستمره
***************
وطموحاتي الغر المحاجيل وخذلانها مع كل كره
أعدل المساوي يطيح قنديل وأهز الجفن وتطيح قره
***************
وأناديك ودموعي هماليل وفي الصدر تنهيده و حره
أحبك وما للحب تأويل ولا شفت منك إلا المضرة