انت يلي في عيوني وانت وحدك مختلف
وانت يلي في فؤادي ساكن وسط الصدر
وانت يلي احمد الله يوم شفته ع الصدف
وانت يلي ما أوقف اعشقه طول العمر
...
نور هالدنيا وضي الكون يا صعب الوصف
لك أحاسيس المحبه في فوادي تستقر
لو أعبر ما وصل إحساس قلبي لك نصف
لو ابكتب كم ابكتب عن أحاسيسي شعر
...
في عيونك حب يسقي خافقي المرهف عطف
وفي فوادك حس دافي صوب قلبي ينهمر
حط ايدك في إديه إلمس بنبضي شغف
خلي عينك في عيوني وإسمع لهمس النظر
...
هايم.ن مستلم.ن قلبي يبي لك يعترف
إنك أجمل ما خلق ربي وأنا بك منبهر
المشاعر من خفوقي دايما" لك تنجرف
مغرم عاشق متيم فيك يا أغلا البشر