Thread Back Search


كلمات اغنية سيمفونية الجوكر 2016 مكتوبة

  • طاري الليل
    2016-04-13




  • عصفوره حكيتلي إنها فى يوم عدت من جنب غرزة
    فوجئت بإن الله والرسل والوجود أغلب ما يذكر
    شافت من كل سن كل شكل ، واللى رابطهم
    جايين ينسوا الحياه اللى شيلتهم فوق طاقتهم

    وقالتلي إنها إتفاجئت فى المدرسه بإن التلاميذ
    جايين لكل غرض تتخيله إلا التعليم
    بس قالتلى: فى وسط السيرك شوفت طالب علم بجد
    منتبه للشرح ، بيكتب ، وملوش أى دعوه بحد

    للأسف تانى مره شافت الطالب ده بكت
    كانت طايره جنب قسم صدفه وفوجئت لما لقت
    ظابط بيكهرب الطالب ويقوله علشان تبقى
    تكتب "وطن بلا تعذيب" كويس على تيشيرتك

    وحكيتلى إنها فى يوم كانت على شجره قدام باب
    مستشفى ، شافت دكتور خارج م الإستقبال
    و واحده ماسكه فيه .. بتقوله: أرجوك ، جوزى بيموت
    قالها: وأنا نالي يا ستي ، هدفعلك من جيبي فلوس ؟

    صعب توصف الحياه فى شكل معادله فيزيائية
    سيمفونية ، كل آله فيها تبانلك عشوائيه
    مفيش حال بيدوم ، والتغيير ملوش قانون
    لا الوحش بيفضل وحش ، ولا هدايته شيئ مضمون

    العصفوره غابت عنى يومين ، ورجعت بحكايات
    منها إن واحد من مجموعة الغرزه مات
    وواحد تانى فاق ، قال: يا إخوانا كفايه نسيان
    بس دماغهم أعلى من إنها تستقبل الكلام

    وفى شارع لقت خلق بتهتف "تسقط الداخليه"
    طارت ورا المظاهره ، وعند القسم وقفت هى
    لما لقت كل واحد لابس ميري بيغيره
    وياويل اللى كان بيعذب ناس ، وفى ناس حافظين منظره

    أما الطالب اللى إتعذب فرد فى مجموعة سلمية
    الدرع اللى حمى القسم من الأعمال التخريبية
    أول ما إتصاب برصاصه قالت: هيموت من الإهمال
    استقبله طبيب حقيقى مخدش نفسه إلا أما فاق

    طارت شافت ناس محتاجه تحس ب الناس المحتاجه
    شافت كتير منكرش ، لكن مشافتش كل حاجه
    سألتنى عن نظام الكون ، قلتلها: هما دول
    كل فرد إختار لنفسه شيئ ،إختار لغيره مليون

    صعب توصف الحياه فى شكل معادله فيزيائية
    سيمفونية ، كل آله فيها تبانلك عشوائيه
    مفيش حال بيدوم ، والتغيير ملوش قانون
    لا الوحش بيفضل وحش ، ولا هدايته شيئ مضمون


    من مواضيعى فى المنتدى

    حظك وتوقعات برجك اليوم 9-12-2019#ابراج_اليوم

    بالصور كيف احتفل محرك البحث جوجل بتوفر الماء على كوكب المريخ 2015

    تحميل البوم عمري إبتدا تامر حسني 2016 Mp3 النسخة الاصلية , كامل

    حظك وتوقعات برجك اليوم السبت 26-9-2015

    تعرف على أصل الاحتفال بيوم كذبة أبريل

    من هو رامي دياب خطيب الراقصة صافيناز

    تردد قناة جنة الفضائية على نايل سات اليوم الخميس 24-9-2015

    تردد قناة طه اليوم 14-1-2020


مواضيع متشابهة

يوتيوب تحميل استماع اغنية سيمفونية الجوكر 2016 Mp3

كلمات اغنية بعد النسيان الجوكر 2016 مكتوبة

كلمات اغنية أخينا الجوكر 2016 مكتوبة

كلمات اغنية كاتب الجوكر 2016 مكتوبة

كلمات اغنية شكرا الجوكر 2016 مكتوبة


Powered by vBulletin® Copyright ©2000 - 2024, Jelsoft Enterprises Ltd.