شوف لما واحدة تفضلك على نفسها
و على حياتها و أحلى وقت في عمرها
عن أغلي أصحابها
و أقرب أهلها و يبقى صعب عليك قوي تخلصلها
شوف لما تبقى أنت في كفة و العالم في كفة
و تبقى هي القلب الأبيض و الحضن اللي دفا
و تبقي أقرب واحدة في الدنيا دي ليك
تجملك و تكملك تنقص أنت فيها
و كل ما تتحملك تدوس أكتر عليها
و كل ما تحبك تكرها أنت فيك
اللي في أيديك بكرة بايديك هتضيعة
كلام كتير أتقال ولا أنت بتسمعة
القسوة و الإهمال بجد بيوجعوا
والحب لما يروح منين هترجعوا