صباح الخير وكل الخير يهدي لك صباحاته .. صباح الورد ياورد العمر يانغمة اشراقي
صباح النور وانت النور في شكله وفي ذاته .. وصباح النبض في قلبي عليك تنادي اشواقي
ترى هالصبح من دونك فقد حسه وبسماته .. وفيني ذابله روحي تموت بداخل اعماقي
ينادي الشوق باضلاعي وصمتي باحت اصواته .. وعصافير الوله ناحت على غصني وعلى اوراقي
انا مسامح رفيقي لو تزل دروب خطواته .. لانه ساكنٍ عيني واشوفه بكل آفاقي
لو ظروف الزمن تقسى انا ما ازيد طعناته .. اشيله بين اضلاعي وفي عيني وخفاقي
تعال ارجع ترى خلك فقد للنوم لذاته .. ومرٍ طعم هالدنيا بدونك طاحت اوراقي
صباحك خير وانت الخير تضحك لي صباحاته .. صباحك ورد ياورد العمر يا نغمة اشواقي