قربت اشوفنا اتنين كبار ومعجزين
الصبح كلمة وقبل ما ننام كلمتين
مبقيتش حاسة بنفس احساسك زمان
بقيت بحس ان اللي بينا خلاص روتين
حبة حاجات ممكن في عينك شئ بسيط
بس الحاجات دي بجد ممكن تبني بيت
البنت تملك قلبها لو مرة جيت
وفاجئتها بكام حاجة بس تقول لمين
ببقى طالبة حاجات بسيطة وانت تبقى شايفها تافهة
بس منك كل حاجة احلى حاجة انا قلبي شافها
ضعفي ليك مش قوة منك، ضعفي بس عشان بحبك
نفسي ابقى مهمة عندك مهما بيننا تفوت سنين
صعب اكمل عمري كله معاك مجاملة
صعب كل يومين تغير في المعاملة
نفسي اعيش جنبك في قصة حب كاملة
مش مجرد حب بس يعيش يومين
ليه بداية الحب دايما تبقى أحلى
تنشغل وبحاول ابقى انا واحدة عاقلة
ليه بحس برود مشاعرك حاجة سهلة
واوعى تسأل جايبة احساسك منين
ببقى طالبة حاجات بسيطة وانت تبقى شايفها تافهة
بس منك كل حاجة احلى حاجة انا قلبي شافها
ضعفي ليك مش قوة منك، ضعفي بس عشان بحبك
نفسي ابقى مهمة عندك مهما بيننا تفوت سنين