كان في شاب من الصعيد
حب بنت من المدينة
لو يشوفها يكون سعيد
والفراق بقلوب حزينة
قلبه ما كانلوش حدود
زرعه واخدة على البراح
قلبها كان حاوطه سور
زي زرعه م الجنينة
قلبه طير فوق الوجود
لحد ما يئن الجناح
قلبها عصفور كناريا
يعني آخره قلب زينة
---------------------------------------
كان في شاب أسمر صعيدي
حب بنت لكن ما طالشي
لو يكون الأمر بأيدي
كنت أبكي الليل ما انامشي
بس إيه هيفيد بكايا
أصل خلصانة الحكاية
اللي مكتوبلك هيبقى
واللي مش مكتوب هيمشي
كان يشوفها يحس بيها
يوجعه الدمع في عنيها
يوم ما شاورت له بإيديها
قلبه طار زي الحمام ...