ياخوي يا ابن امي ياغالي
بعدك انا بالظيم حالي
انت السند وانت التجيه
وحزام الي تشتد علية
يالريحة ظل البيت خالي
ودمعتي اكضيها الليالي
والظيم بغيابك صفالي
والليل كابلني وبجالي
بس الدمع بعدك وفالي
ياخوي يالروحك حنينة
البيت كله يصيح وينه
الحيطان مختنقة بدمعها
هم مثلي مشتاقة لضلعها
هلبت تحت مره وتجينه
قلبك يحن ويرف علينة
شوف الدمع لاعب بالخدود
باقي الفرح بالوجه مسدود
من عندي ضل بس خيالي